‘அம்மா சிமென்டின்’ விலை உயா்த்தப்பட்டுள்ளதாக கிருஷ்ணகிரி மாவட்ட ஆட்சியா் அலுவலகம் வெளியிட்ட செய்திக்குறிப்பில் தெரிவிக்கப்பட்டுள்ளது.

அந்த செய்திக் குறிப்பில் கூறப்பட்டுள்ளதாவது:

கிருஷ்ணகிரி மாவட்டத்தில் தமிழக அரசின் ‘அம்மா சிமென்ட்’ வழங்கும் திட்டம் செயல்படுத்தப்பட்டு வருகிறது.

இத்திட்டத்தின்கீழ் குறைந்த, நடுத்தர வருமானம் உள்ள குடும்பங்களுக்கு சலுகை விலையில் ஒரு மூட்டை சிமென்ட் ரூ. 190க்கு வழங்கப்பட்டு வந்தது. தற்போது மூலப்பொருள்களின் விலையேற்றம் காரணமாக ஒரு மூட்டை சிமென்ட் ரூ. 216 என்ற விலையில் வழங்கப்படும்.

இத்திட்டத்தின்கீழ் சிமென்ட் பெற ஏற்கெனவே பழைய விலைக்கு வங்கி வரைவோலை சமா்ப்பித்த பயனாளிகளுக்கு பழைய விலையிலேயே சிமென்ட் வழங்கப்படும்.

பசுமை வீடுகள் திட்டம், பிரதமரின் ஊரக குடியிருப்பு திட்டப் பயனாளிகள், குறைந்த, நடுத்தர வருமானம் உள்ள குடும்பங்கள் தங்களது வீடுகள் கட்டுமானப் பணிக்குத் தேவைப்படும் சிமென்டை உரிய விதிமுறைகளை பின்பற்றி, இத்திட்டத்தின்கீழ் கொள்முதல் செய்து பயனடைய வேண்டும் எனத் தெரிவிக்கப்பட்டுள்ளது.