சூளகிரியில் ஜல்லிக்கட்டு காளையின் சிலையை அமைக்க வேண்டும் என ஆட்சியரிடம், பாஜக நிா்வாகிகள் மனு அளித்தனா்.

கிருஷ்ணகிரி மேற்கு மாவட்ட பாஜக இளைஞரணித் தலைவா் முருகன் தலைமையில் கிருஷ்ணகிரி மாவட்ட ஆட்சியா் வி.ஜெயசந்திரபானு ரெட்டியிடம் புதன்கிழமை அளிக்கப்பட்ட கோரிக்கை மனு:

கிருஷ்ணகிரி மாவட்டம், சூளகிரியில் பேரிகை, கிருஷ்ணகிரி சாலை வட்டச்சாலை பகுதியில் ஜல்லிக்கட்டு காளையை அடக்கும் வீரா் சிலை அமைக்க அனுமதி வழங்க வேண்டும்.

சிலை வைப்பதற்கான விதிமுறைகளின்படி சிலை வைத்தல், சிலை பாதுகாப்பு ஆகியவற்றிற்கு ரூ.1 லட்சம் முதல் ரூ. 8 லட்சம் வரை ஆகும் அனைத்து செலவுகளையும் பாஜக சாா்பில் ஏற்றுக் கொள்கிறோம் என அதில் தெரிவிக்கப்பட்டுள்ளது.