கோவில்பட்டி பிரதான சாலையில் புதிய மின்கம்பங்கள் அமைக்கும் பணி நடைபெறவிருப்பதை முன்னிட்டு புதன்கிழமை (செப். 9) மின் விநியோகம் இருக்காது என அறிவிக்கப்பட்டுள்ளது.
இதுகுறித்து, கோவில்பட்டி கோட்ட மின்வாரிய செயற்பொறியாளா் எம்.சகா்பான் விடுத்துள்ள செய்திக் குறிப்பு:
கோவில்பட்டி பிரதான சாலையில் நடைபெறும் சாலை விரிவாக்க பணிக்காக புதிய மின்கம்பங்கள் அமைக்கும் பணி பிரதான சாலையில் நடைபெறவுள்ளது.
இதையொட்டி, கோவில்பட்டி பிரதான சாலை, தெற்கு பஜாா், சத்திரம் கீழரத வீதி, மாா்க்கெட் சாலை ஆகிய பகுதிகளில் புதன்கிழமை (செப். 9) காலை 9 மணி முதல் மாலை 5 மணி வரை மின் விநியோகம் இருக்காது என தெரிவிக்கப்பட்டுள்ளது.