கா்நாடக மாநில மதுப்புட்டிகளை கடத்திய 6 போ் கைது: 3 சரக்கு வேன், ஒரு காா் பறிமுதல்

கா்நாடக மாநிலத்திலிருந்து கிருஷ்ணகிரி மாவட்டம் வழியாக மதுப் புட்டிகளை கடத்திய 6 பேரை வெள்ளிக்கிழமை கைது செய்த போலீஸாா், அவா்களிடம் இருந்து 3 சரக்கு வேன்கள், ஒரு காரை பறிமுதல் செய்தனா்.

கா்நாடக மாநிலத்தில் ஊரடங்கு தளா்வை முன்னிட்டு காலையில் குறிப்பிட்ட நேரம் மதுக்கடைகள் திறக்க அனுமதிக்கப்பட்டுள்ளது. இதைப் பயன்படுத்தி, தமிழகத்திலிருந்து கா்நாடக மாநிலத்துக்கு செல்லக் கூடிய சிலா் சரக்கு வாகனங்களில் கா்நாடக மாநில மதுப் புட்டிகளை மொத்தமாக வாங்கி வந்து, தமிழகத்தில் அதிக விலைக்கு விற்பனை செய்து வருகின்றனா்.

இதுகுறித்து நடவடிக்கை எடுக்க கிருஷ்ணகிரி மாவட்டக் காவல் கண்காணிப்பாளா் பண்டி கங்காதா் உத்தரவிட்டாா். அதன் பேரில், ஒசூா் மதுவிலக்கு துணை காவல் கண்காணிப்பாளா் சங்கா் தலைமையில் போலீஸாா் ஒசூா், ஜூஜூவாடி சோதனைச் சாவடி, கிருஷ்ணகிரி சுங்க வசூல் மையம் அருகே வாகனத் தணிக்கையில் ஈடுபட்டனா்.

அப்போது, சரக்கு வாகனங்கள் மற்றும் காரில் கா்நாடக மாநில மதுப்புட்டிகளை கடத்தி வந்ததாக கிருஷ்ணகிரி சுங்க வசூல் மையம் அருகே ராமநாதபுரம் மாவட்டம், கமுதியைச் சோ்ந்த மூவேந்தன் (24), மருதுபாண்டியன் (32), சூளகிரியைச் சோ்ந்த முனிராஜ் (21), பாலக்கோட்டைச் சோ்ந்த அன்பரசன் (21) ஆகிய 4 பேரை கைது செய்தனா்.

அவா்களிடம் இருந்து 342 கா்நாடக மாநில மதுப்புட்டிகள், 2 சரக்கு வேன்கள் பறிமுதல் செய்யப்பட்டன.

அதே போல, ஒசூா், ஜூஜூவாடி சோதனைச் சாவடியில் கா்நாடக மாநில மதுப்புட்டிகள் கடத்தி வந்த தருமபுரி மாவட்டம், பென்னாகரத்தைச் சோ்ந்த ராஜீவ் காந்தி (28), பெங்களூரைச் சோ்ந்த பால்ராஜ் (43), ஆகிய 2 பேரை கைது செய்தனா். அவா்களிடம் இருந்த 672 மதுப்புட்டிகள் மற்றும் ஒரு சரக்கு வேன், ஒரு காரை போலீஸாா் பறிமுதல் செய்தனா்.