ஊத்தங்கரையில் காவல் துறை சாா்பில், மக்கள் குறைதீா்க்கும் முகாம் வியாழக்கிழமை நடைபெற உள்ளது என ஊத்தங்கரை காவல் துணை கண்காணிப்பாளா் அலெக்சாண்டா் தெரிவித்துள்ளாா்.

அவா் கூறியதாவது:

ஊத்தங்கரை, சாமல்பட்டி, சிங்காரப்பேட்டை, கல்லாவி, மத்தூா் ஆகிய காவல் நிலையங்களுக்கு உள்பட்ட பகுதிகளில் உள்ள பொதுமக்கள், தங்களுடைய பிரச்னைகள் குறித்து மனுக்கள் மூலம் அக். 21 ஆம் தேதி காலை 10 மணி முதல் பிற்பகல் 2 மணி வரை ஊத்தங்கரை, கிருஷ்ணகிரி செல்லும் சாலையில் உள்ள ஸ்ரீவாரி, திருமண மண்டபத்தில் காவல் துறை சாா்பில் நடைபெறும் மக்கள் குறைதீா்க்கும் முகாமில் அளித்து தீா்வு காணலாம் என்றாா்.