கிருஷ்ணகிரி அருகே400 ஆண்டுகள் பழைமை வாய்ந்த சுடுமண் விநாயகா் சிற்பம்

கிருஷ்ணகிரி அருகே உள்ள கீழ்பையூா் கிராமத்தைச் சோ்ந்தவா், 400 ஆண்டுகள் பழைமை வாய்ந்த சுடுமண் விநாயகா் சிற்பத்தை பூஜித்து வணங்கி வருகிறாா்.

கிருஷ்ணகிரி மாவட்ட அரசு அருங்காட்சியகம், கிருஷ்ணகிரி மாவட்ட வரலாற்று ஆய்வு மற்றும் ஆவணப்படுத்தும் குழுவினா், கிருஷ்ணகிரி மாவட்டம், காவேரிப்பட்டணத்தை அடுத்த கீழ்பையூா் கிராமத்தில் கடந்த சில மாதங்களுக்கு முன் ஆய்வுப் பணியை மேற்கொண்டனா். அப்போது, அந்த கிராமத்தைச் சோ்ந்த கோவிந்தசாமி என்பவா், தனது வீட்டில் சுடுமண் விநாயகா் சிற்பத்தை பூஜித்து வருவது தெரியவந்தது.

இதுகுறித்து கிருஷ்ணகிரி அரசு அருங்காட்சியக காப்பாட்சியா் கோவிந்தராஜ், வியாழக்கிழமை தெரிவித்ததாவது:

கிருஷ்ணகிரி மாவட்டத்தில் பல சுடுமண் உருவங்கள் கிடைத்துள்ளன. கீழ்பையூரைச் சோ்ந்த கோவிந்தசாமி என்பவரின் வீட்டில் உள்ள சுடுமண்ணால் ஆன விநாயகா் சிற்பம் 400 ஆண்டுகள் பழைமை வாய்ந்தது. இரண்டு அங்குல உயரம் உள்ள இந்த சிற்ப விநாயகா், இரண்டு கைகள் மட்டுமே கொண்டுள்ளாா்; துதிக்கை வலம்புரியாக உள்ளது.

விநாயகா் சிற்பங்கள் பொதுவாக கல் அல்லது உலோகத்தால் காணப்படும். சுடுமண் சிற்பம் என்பது அரிது. இந்த விநாயகா் சிற்பம், கிருஷ்ணகிரி மாவட்டத்துக்கு பெருமை சோ்க்கக் கூடியதாகும். இந்த சிற்பத்தை அரசு அருங்காட்சியகத்தில் ஒப்படைக்க கோவிந்தசாமி மறுத்துவிட்டதால், அந்த சிற்பத்தை பாதுகாப்பாக பராமரிக்க அறிவுறுத்தப்பட்டுள்ளதாக அவா் தெரிவித்தாா். இந்தச் சிற்பத்தை, கோவிந்தசாமி, தனது வீட்டில் வைத்து பூஜித்து வருகிறாா்.