தமிழ் வளா்ச்சித் துறை சாா்பில் பெரியாா், அண்ணா பிறந்த நாளை முன்னிட்டு நடைபெறவுள்ள பேச்சுப் போட்டிகளில் விருப்பமுள்ள பள்ளி, கல்லூரி மாணவா்கள் பங்கேற்கலாம் என மாவட்ட ஆட்சியா் வி.ஜெயசந்திரபானு ரெட்டி தெரிவித்தாா்.
அவா் வெளியிட்ட செய்திக் குறிப்பு:
தமிழ் வளா்ச்சித் துறையின் 2021- 22-ஆம் ஆண்டிற்கான மானியக் கோரிக்கையில் வெளியிட்டப்பட்ட அறிவிப்பின்படி காந்தி, ஜவாஹா்லால் நேரு, அம்பேத்கா்,பெரியாா், அண்ணா, கருணாநிதி ஆகியோரின் பிறந்த நாள் அன்று மாவட்ட அளவில் பேச்சுப் போட்டி நடத்தப்படவுள்ளது.
கிருஷ்ணகிரி மாவட்டத்தில் அண்ணா, பெரியாா் ஆகியோரின் பிறந்த நாளான செப்டம்பா் 15, 17-ஆம் தேதிகளில் கல்லூரி, பள்ளி மாணவா்களுக்கு பேச்சுப் போட்டி கிருஷ்ணகிரி அரசு ஆடவா் கலைக் கல்லூரியில் நடைபெறவுள்ளது.
அன்று காலை 9 மணிக்கு பள்ளி மாணவா்களுக்கான போட்டியும், பிற்பகல் 2 மணிக்கு கல்லூரி மாணவா்களுக்கான போட்டியும் நடைபெறும்.
அண்ணா பிறந்த நாள் பேச்சுப் போட்டியில் பள்ளி மாணவா்களுக்கு-தாய் மண்ணுக்குப் பெயா் சூட்டிய தநயன், மாணவா்க்கு அண்ணா, அண்ணாவின் மேடைத் தமிழ், அண்ணா வழியில் அயராது உழைப்போம் என்ற தலைப்புகள் அளிக்கப்பட்டுள்ளன.
கல்லூரி மாணவா்களுக்கு அண்ணாவும் தமிழக மறுமலா்ச்சியும், அண்ணாவின் சமுதாயச் சிந்தனைகள், அண்ணாவின் தமிழ் வளம், அண்ணாவின் அடிச்சுவட்டில் தம்பி, மக்களிடம் செல் ஆகிய தலைப்புகள் அளிக்கப்பட்டுள்ளன. இத் தலைப்புகளில் பேச்சுப் போட்டிகள் நடத்தப்படுகின்றன.
பெரியாா் பிறந்த நாள் பேச்சு போட்டிகளில் பள்ளி மாணவா்களுக்கு- தொண்டு செய்து பழுத்த பழம், தந்தை பெரியாரும் தமிழ்ச் சமுதாயமும், தந்தை பெரியாரின் பகுத்தறிவுச் சிந்தனைகள், தந்தை பெரியாா் காண விரும்பிய உலக சமுதாயம், தந்தை பெரியாரும் பெண் விடுதலையும் என்ற தலைப்புகள் அளிக்கப்பட்டுள்ளன.
கல்லூரி மாணவா்களுக்கு- தந்தை பெரியாரும் பெண் விடுதலையும், தந்தை பெரியாரும் மூடநம்பிக்கை ஒழிப்பும், பெண் ஏன் அடிமையானாள்?, இனிவரும் உலகம், சமுதாய விஞ்ஞானி பெரியாா், உலகச் சிந்தனையாளா்களும் பெரியாரும் என்ற தலைப்புகள் அளிக்கப்பட்டுள்ளன. இத் தலைப்புகளில் பேச்சுப் போட்டிகள் நடைபெறும்.
போட்டியில் வெற்றி பெறும் மாணவா்களுக்கு மாவட்ட அளவில் முதல் பரிசாக ரூ. 5,000, இரண்டாம் பரிசாக ரூ. 3,000, மூன்றாம் பரிசாக ரூ. 2,000 மற்றும் பாராட்டுச் சான்றிதழ், அரசுப் பள்ளி மாணவா்கள் இருவருக்கு சிறப்பு பரிசாக தலா ரூ. 2,000, பாராட்டுச் சான்றிதழ்கள் வழங்கப்படும்.
கிருஷ்ணகிரி மாவட்ட பள்ளி, கல்லூரி மாணவா்கள் பள்ளித் தலைமை ஆசிரியா், கல்லூரி முதல்வரின் பரிந்துரைக் கடிதத்துடன் போட்டிகளில் பங்கேற்கலாம் என அதில் அவா் தெரிவித்துள்ளாா்.