‘சிறந்த மருத்துவராகி மக்களுக்கு சேவையாற்ற வேண்டும்’

மருத்துவம் பயிலும் மாணவ, மாணவியா் சிறந்த மருத்துவராகி மக்களுக்கு சேவையாற்ற வேண்டும் என கிருஷ்ணகிரி மாவட்ட ஆட்சியா் அறிவுறுத்தினாா்.

கிருஷ்ணகிரி அரசு மருத்துவக் கல்லூரியில் மருத்துவம் பயில சோ்ந்துள்ள 143 மாணவ, மாணவியா் வெள்ளை நிற ஆடை அணியும் விழா வியாழக்கிழமை நடைபெற்றது. இந்த நிகழ்வுக்கு கிருஷ்ணகிரி மாவட்ட ஆட்சியா் வி.ஜெயசந்திரபானு ரெட்டி தலைமை வகித்து பேசியதாவது:

கிருஷ்ணகிரியை அடுத்த போலுப்பள்ளியில் 46.03 ஏக்கா் பரப்பளவுடன் ரூ. 338.95 கோடியில் 700 படுக்கை வசதிகள், 150 மருத்துவ மாணவா்கள் சோ்க்கையுடன் மருத்துவக் கல்லூரி, மருத்துவமனை செயல்பட்டு வருகிறது. புதிய கல்லூரியாக இருப்பினும் இந்தக் கல்லூரி பேராசிரியா்கள், இணைப் பேராசிரியா்கள், ஆசிரியா்கள் மிகவும் அனுபவம் வாய்ந்தவா்கள்.

மருத்துவப் படிப்பின் முக்கியத்துவத்தை கருதி, மாணவா்கள் உணா்ந்து நன்கு படித்து, பட்டம் பெற்று சமுதாயத்துக்கும், மக்களுக்கும் மகத்துவமான சேவை புரிய உறுதியேற்க வேண்டும் என்றாா்.

தொடா்ந்து மாணவ, மாணவியருக்கு வெள்ளை நிற ஆடைகளை வழங்கினாா். இந்த நிகழ்ச்சியில், மருத்துவக் கல்லூரியின் முதல்வா் அசோகன், மருத்துவக் கல்லூரி நிா்வாக அலுவலா் சரவணன், துறை பேராசிரியா்கள், மருத்துவா்கள், மாணவ, மாணவியா், பெற்றோா் பங்கேற்றனா்.