குடிநீரில் குளோரினேசன் அளவு சரியாக பராமரிக்காத ஊராட்சி செயலாளா் தற்காலிக பணிநீக்கம்

குடிநீரில் குளோரினேசன் அளவு சரியாக பராமரிக்காத மலையாண்டஹள்ளி ஊராட்சி செயலாளரை தற்காலிக நீக்கம் செய்து கிருஷ்ணகிரி மாவட்ட ஆட்சியா் கே.எம்.சரயு உத்தரவிட்டாா்.

கிருஷ்ணகிரி மாவட்டம், காவேரிப்பட்டிணம் ஊராட்சி ஒன்றியம், மிட்டஅள்ளி ஊராட்சி, எம்.ஜி.ஆா். நகரில் ஏரியிலிருந்து வெளியேறும் உபரிநீா் எளிதாக கடக்கும் வகையில், அங்குள்ள ஓடையின் குறுக்கே புதிதாக பாலம் அமைக்கும் பணியை கிருஷ்ணகிரி மாவட்ட ஆட்சியா் வியாழக்கிழமை ஆய்வு மேற்கொண்டாா்.

தொடா்ந்து, மேல்மக்கான் தெரு, மலையாண்டஹள்ளி, வேங்கை நகரில் உள்ள மேல்நிலை நீா்த்தேக்கத் தொட்டியில் உள்ள குடிநீரில் குளோரினேசன் செய்யப்பட்ட பணிகளை ஆய்வு செய்தாா்.

அதில், பொதுமக்களுக்கு விநியோகிக்கப்படும் குடிநீரில் குளோரினேசன் அளவு சரியாக பராமரிக்காத மலையாண்டஹள்ளி ஊராட்சி செயலாளா் சின்னசாமி என்பவரை உடனடியாக தற்காலிக பணிநீக்கம் செய்து அவா் உத்தரவிட்டாா். இதுகுறித்து, ஆட்சியா் தெரிவித்ததாவது:

பொதுமக்களுக்கு தூய்மையான குடிநீா் வழங்க ஏதுவாக மேல்நிலை நீா்த்தேக்கத் தொட்டிகளில் குளோரினேசன் செய்யும் பணி தொடா்ந்து நடைபெற்று வருகிறது. குடிநீா் வடிகால் வாரியம், ஊரக வளா்ச்சித் துறை, நகராட்சி, மாநகராட்சி, பேரூராட்சி அலுவலா்களுக்கு மாவட்ட முழுவதும் குடிநீரில் குளோரினேசன் அளவு சரியாக பராமரிக்கப்பட வேண்டும் என ஏற்கெனவே அறிவுறுத்தப்பட்டுள்ளது.

மேலும், திடீா் ஆய்வு மேற்கொண்டு குடிநீா் விநியோகப் பணிகளில் தொய்வு ஏற்பட்டால் கடும் நடவடிக்கை எடுக்கப்படும். வெள்ளத்தால் தொலைந்துபோன சான்றிதழ்களை மீண்டும் பெற தடையின்மைச் சான்று, நகல் சான்று வழங்க ஊத்தங்கரை வட்டத்தில் 9 இடங்களிலும், போச்சம்பள்ளி வட்டத்தில் 4 இடங்களிலும் சிறப்பு முகாம்கள் நடைபெற்று வருகின்றன. இதேபோல, மேற்கண்ட வட்டங்களில் 62 இடங்களில் சிறப்பு மருத்துவ முகாம்கள் நடைபெற்று வருகின்றன. இந்த முகாம்களில், மக்களுக்கு காய்ச்சல் பரிசோதனை, சளி உள்ளிட்ட மழையால் உண்டாகும் தொற்று நோய்களுக்கு உயா்தர பரிசோதனையுடன் மருந்துகளும் வழங்கப்பட்டு வருகின்றன.

மழை பாதிப்பினால் பாதிக்கப்பட்ட கால்நடைகளுக்காக 13 இடங்களில் சிறப்பு மருத்துவ முகாம்கள் நடைபெற்று வருகின்றன. மழை தொடா்பாக கால்நடைகளுக்கு உண்டாகும் நோய்களுக்கு உரிய மருந்துகள் வழங்கப்படுகின்றன. எனவே, அரசின் மருத்துவ மற்றும் இதர சிறப்பு முகாம்களை பொதுமக்கள் பயன்படுத்திக்கொள்ள வேண்டும் என தெரிவித்தாா்.

அப்போது வட்டாட்சியா் வளா்மதி, வட்டார வளா்ச்சி அலுவலா்கள் சுப்பிரமணி, சரவணன் உள்ளிட்டோா் உடனிருந்தனா்.