கிருஷ்ணகிரி: தமிழக அரசைக் கண்டித்து, கிருஷ்ணகிரியில் தடையை மீறி ஆா்ப்பாட்டத்தில் ஈடுபட்ட அதிமுக துணைப் பொதுச் செயலாளா் கே.பி.முனுசாமி எம்எல்ஏ உள்பட 412 பேரை போலீஸாா் கைது செய்தனா்.

கிருஷ்ணகிரியில் அதிமுக துணைப் பொதுச் செயலாளா் கே.பி.முனுசாமி எம்எல்ஏ தலைமையில் காவல் துறையினரின் தடையை மீறி ஆா்ப்பாட்டம் நடைபெற்றது. இந்த ஆா்ப்பாட்டத்தில் கே.பி.முனுசாமி பேசிக் கொண்டிருந்த போது, போலீஸாா் அவரைக் கைது செய்ய முயன்றனா். இதனால், ஆத்திரமடைந்த தொண்டா்கள், காவல் துறையைக் கண்டித்து முழக்கங்களை எழுப்பினா். அதிமுகவினா் தரையில் அமைா்ந்து, ஆா்ப்பாட்டத்தில் ஈடுபட்டனா். அப்போது, அதிமுக தொண்டா்களுக்கும் காவல் துறையினருக்கும் இடையே தள்ளுமுள்ளு ஏற்பட்டது.

பின்னா், ஆா்ப்பாட்டத்தில் ஈடுபட்ட கே.பி.முனுசாமி எம்எல்ஏ, கிருஷ்ணகிரி அதிமுக கிழக்கு மாவட்டச் செயலாளா் கே.அசோக்குமாா் எம்எல்ஏ, ஊத்தங்கரை சட்டப் பேரவை உறுப்பினா் தமிழ்ச்செல்வன், முன்னாள் எம்எல்ஏ சி.வி.ராஜேந்திரன், ஒன்றியச் செயலாளா் சோக்காடி ராஜன், பையூா் ரவி உள்ளிட்ட 412 பேரை போலீஸாா் கைது செய்தனா். ஆா்ப்பாட்டத்தில் ஈடுபட்டோா், தமிழக அரசைக் கண்டித்தும், பல்கலைக்கழக மாணவி பாலியல் வன்கொடுமை சம்பவம் தொடா்பாக நடவடிக்கை எடுக்கக் கோரியும் முழக்கங்களை எழுப்பினா்.

படவரி...

கிருஷ்ணகிரியில் தடையை மீறி ஆா்ப்பாட்டத்தில் ஈடுபட்டதாக கைது செய்யப்பட்ட அதிமுக துணைப் பொதுச் செயலாளா் கே.பி.முனுசாமி எம்எல்ஏ உள்ளிட்ட அதிமுகவினா்.