விநாயகா் சதுா்த்தியையொட்டி சிலைகளை நீா்நிலைகளில் விசா்ஜனம் செய்வது தொடா்பாக ஊத்தங்கரையில் புதன்கிழமை டிஎஸ்பி சி.சீனிவாசன் தலைமையில் ஆலோசனைக் கூட்டம் நடைபெற்றது.

ஊத்தங்கரை பேரூராட்சி மண்டபத்தில் நடைபெற்ற கூட்டத்தில் மத்தூா், சிங்காரப்பேட்டை, கல்லாவி, சாமல்பட்டி, மத்தூா் காவல் எல்லைக்கு உட்பட்ட கிராமங்களில் விநாயகா் சதுா்த்தியை முன்னிட்டு சிலைகளை வைத்து பாதுகாப்பது, சிலைகளைக் கரைப்பது குறித்து விநாயகா் சிலை வைப்பவா்களுக்கு டிஎஸ்பி சி.சீனிவாசன் அறிவுரை வழங்கினாா்.

களிமண்ணால் ஆன சிலைகளை மட்டுமே வைக்க வேண்டும். சிலை வைப்பவா்களே பாதுகாப்பு கமிட்டி அமைத்து, சிலைகளைப் பாதுகாத்து கொள்ள வேண்டும். எளிதில் தீப்பிடிக்கும் வகையில் உள்ள பொருள்களை சிலையின் அருகில் வைக்கக் கூடாது. பூஜை நேரங்களில் மட்டுமே அனுமதிக்கப்பட்ட அளவு ஒலிபெருக்கியை பயன்படுத்த வேண்டும்.

கூம்பு வடிவ ஒலிபெருக்கியை கண்டிப்பாக பயன்படுத்தக் கூடாது. கண்காணிப்பு கேமராக்களை கண்டிப்பாக பொருத்த வேண்டும். எக்காரணத்தை கொண்டும் தேசிய நெடுஞ்சாலைகளில் விநாயகா் சிலைகளை ஊா்வலமாக எடுத்து செல்லக் கூடாது என சிலை வழிபாட்டாளா்களுக்கு அறிவுரை வழங்கினாா்.

காவல் ஆய்வாளா்கள் முருகன், ஜபா்உஷேன், சிங்காரப்பேட்டை சந்திரகுமாா், மத்தூா் பாலமுருகன் உள்பட பலா் கலந்து கொண்டனா்.