ஒசூா் மாநகராட்சிக்கு உள்பட்ட காமராஜ் காலனி நடுநிலைப் பள்ளி மற்றும் ஊராட்சி ஒன்றிய தொடக்கப் பள்ளியில் சனிக்கிழமை நடைபெற்ற ‘நலம்காக்கும் ஸ்டாலின்’ திட்ட முகாமில் 1,962 போ் கலந்துகொண்டனா்.

சென்னையில் தமிழக முதல்வா் மு.க.ஸ்டாலின் ‘நலம்காக்கும் ஸ்டாலின்’ திட்ட மருத்துவ முகாமை சனிக்கிழமை தொடங்கி வைத்தாா். இதைத் தொடா்ந்து ஒசூா் மாநகராட்சி, காமராஜ் காலனி அரசு நடுநிலைப் பள்ளி

மற்றும் ஊராட்சி ஒன்றிய தொடக்கப் பள்ளியில் ‘நலம்காக்கும் ஸ்டாலின்’ திட்ட மருத்துவ முகாமை ஆட்சியா் ச.தினேஷ்குமாா், சட்டப் பேரவை உறுப்பினா் ஒய்.பிரகாஷ், மேயா் எஸ்.ஏ.சத்யா ஆகியோா் பாா்வையிட்டு 52 பயனாளிகளுக்கு முதல்வரின் விரிவான மருத்துவக் காப்பீடு திட்ட அட்டைகளை வழங்கினா். இம்மருத்துவ முகாமில் 17 வகையான சிறப்பு மருத்துவா்கள் மூலம் சிகிச்சை மேற்கொள்ளப்பட்டது. இம்முகாமில் 1,962 போ் பதிவு செய்து சிகிச்சை பெற்றனா். மேலும், பயனாளிகளுக்கு தேவையான மருந்து, மாத்திரைகள் வழங்கப்பட்டன.

உயா் சிகிச்சை தேவைப்படுவோா் அரசு மருத்துவக் கல்லூரி மருத்துவமனை மற்றும் முதலமைச்சரின் விரிவான மருத்துவக் காப்பீடு திட்டத்தின் கீழ் மருத்துவ சிகிச்சைக்கு பரிந்துரை செய்யப்பட்டனா்.

கிருஷ்ணகிரி மாவட்டத்தில், ஒவ்வோா் சனிக்கிழமையும் தலா 3 முகாம்கள் என 10 வட்டாரங்களில் 30 மருத்துவ முகாம்களும், மாநகராட்சியில் 3 முகாம் என மொத்தம் 33 மருத்துவ முகாம்கள் நடைபெறவுள்ளன. எனவே, பொதுமக்கள் இம்மருத்துவ முகாமில் கலந்துகொண்டு சிகிச்சை பெற்றுக்கொள்ளலாம் என மாவட்ட ஆட்சியா் தெரிவித்தாா்.

இம்முகாமில் ஒசூா் மாநகராட்சி ஆணையா் முகம்மது ஷபீா் ஆலம், துணை மேயா் ஆனந்தய்யா, அரசு மருத்துவக் கல்லூரி முதல்வா் பூவதி, மாவட்ட சுகாதார அலுவலா் ரமேஷ் குமாா், மாமன்ற உறுப்பினா்கள் மாதேஸ்வரன், ரவி, சென்னீரப்பா, தொமுச மாவட்ட கவுன்சில் தலைவா் கோபாலகிருஷ்ணன், செந்தில்குமாா் உள்ளிட்ட பலா் கலந்துகொண்டனா்.