தேமுதிகவுக்கு 20 தொகுதிகள் ஒதுக்கும் கட்சியுடன் கூட்டணி அமைக்கப்படும் என தேமுதிக இளைஞரணிச் செயலாளா் விஜய பிரபாகரன் தெரிவித்தாா்.

கிருஷ்ணகிரி அருகே ஞாயிற்றுக்கிழமை நடைபெற்ற தேமுதிக நிா்வாகியின் இல்ல நிகழ்ச்சியில் பங்கேற்று அவா் பேசியதாவது:

தமிழகத்தில் முன்னாள் முதல்வா் ஜெயலலிதாவுக்குப் பிறகு பெண் தலைவா்கள் யாரும் இல்லை; தேமுதிகவுக்கு எதிா்காலம் இல்லை என பலா் அவதூறுகளைப் பரப்பினா். ஆனால், தேமுதிகவின் பொதுச் செயலாளா் பிரேமலதா, அண்மையில் நடைபெற்ற மாநாடு மூலம் அவதூறு பரப்பியவா்களுக்கு பதிலளித்துள்ளாா்.

தேமுதிக யாருடன் கூட்டணி அமைக்கும் என அனைவரும் எதிா்பாா்த்திருக்கின்றனா். தமிழகத்தில் திமுக, அதிமுக கட்சிகள் சம பலத்துடன் உள்ளன. மூன்றாவது பெரிய கட்சியாக உள்ள தேமுதிக யாருடன் கூட்டணி வைக்கிறதோ அக்கூட்டணிதான் தமிழகத்தில் ஆட்சி அமைக்கும்.

கடந்த சட்டப் பேரவைத் தோ்தலில் அதிமுக பல தொகுதிகளில் 500 முதல் 3 ஆயிரம் வாக்குகள் வித்தியாசத்தில்தான் தோல்வியைச் சந்தித்தது.

தமிழகத்தில் ஒவ்வொரு தொகுதியிலும் தேமுதிகவுக்கு 10 ஆயிரம் முதல் 15 ஆயிரம் வாக்குகள் உள்ளன. தற்போதைய தகவலின்படி 170 தொகுதிகளில் போட்டியிட வேண்டும் என திமுக, அதிமுக கட்சிகள் கொள்கையாகக் கொண்டுள்ளன. அதேபோல தேமுதிகவும் குறிப்பிட்ட எண்ணிக்கையிலான தொகுதிகளில் போட்டியிட வேண்டும் என கருதுகிறது.

தேமுதிகவுக்கு 20 தொகுதிகளை வழங்கும் கட்சியுடன்தான் கூட்டணி அமைப்போம். கேட்பது எங்கள் உரிமை, கூடுதல் தொகுதிகளை ஒதுக்குவது கூட்டணி கட்சியின் கடமை. தேமுதிகவினா் முதல்வா் பதவியைக் கேட்கவில்லை என்றாா்.