ராசிபுரம் அருகே அத்தனூர் சமத்துவபுரத்தில் உள்ள பெரியார் நினைவு நுழைவு வாயிலை சீரமைக்க நகர வளர்ச்சி மன்றம் வலியுறுத்தியுள்ளது.
இதுகுறித்து ராசிபுரம் நகர வளர்ச்சி மன்றம் சார்பில் அதன் தலைவர் வி.பாலு தலைமையில் ராசிபுரம் வட்டாட்சியர் அலுவலகத்தில் மனு அளிக்கப்பட்டது.
அதில் குறிப்பிடப்பட்டுள்ளதாவது: ராசிபுரத்தை அடுத்துள்ள அத்தனூர் அருகே 1996-ஆம் ஆண்டு திறந்து வைக்கப்பட்ட சமத்துவபுரத்தில் பெரியாரின் நினைவைப் போற்றும் வகையில் அமைக்கப்பட்ட தந்தை பெரியார் நினைவு நுழைவு வாயில் மற்றும் அவர் பெயர் பதித்த கல்வெட்டு அகற்றப்பட்டுள்ளன. எனவே, அகற்றப்பட்ட தந்தை பெரியார் நினைவு நுழைவு வாயில் மற்றும் பெரியார் பெயர் பதித்த கல்வெட்டை அதே இடத்தில் நிறுவப் பட வேண்டும் என தெரிவிக்கப்பட்டுள்ளது.
நகர வளர்ச்சி மன்றச் செயலர் வழக்குரைஞர் த.கீதாலட்சுமி, நகர வளர்ச்சி மன்றப் பொருளாளர் எம்.பிலவேந்திரராஜ், மன்ற துணைச் செயலர்கள் த.தங்கதுரை, கே.குணசேகரன், விஜய் மக்கள் இயக்க நகரத் தலைவர் ஜெ.ஜெ.செந்தில்நாதன், கோல்டன் நற்பணி சங்கம் ஆர்.இளங்கோ உள்ளிட்ட பலர் மனுவை அளித்தனர்.