பிற்படுத்தப்பட்டோருக்கு வழங்கப்படும் ஓ.பி.சி. சான்றிதழ் இனி ஓராண்டுக்கு மட்டுமே செல்லும் என தமிழக அரசு அறிவித்துள்ளது.
தமிழக அரசின் இ  - சேவை மையங்களில், ஜாதி, வருமானம், ஓபிசி சான்றிதழ் உள்ளிட்ட பல்வேறு சான்றிதழ்கள் கட்டணம் வாயிலாக மக்களுக்கு வழங்கப்பட்டு வருகிறது. பிற்பட்டோருக்கு வழங்கப்படும் ஓ.பி.சி. சான்றிதழ் தொடர்பாக, கடந்த 4-ஆம் தேதி புதிய அரசாணை வெளியிடப்பட்டுள்ளது. அதில், இனி ஓ.பி.சி. சான்றிதழ் ஓராண்டுக்கு மட்டுமே செல்லுபடியாகும். அதாவது, ஏப்ரல் 1-ஆம் தேதி சான்றிதழ் வழங்கப்பட்டால், அடுத்த ஆண்டு மார்ச் 31-ஆம் தேதியுடன் காலாவதியாகிவிடும். பெற்றோர், தங்களுடைய குழந்தைகளை பள்ளியில் சேர்க்க ஏற்கனவே ஓ.பி.சி. சான்றிதழ் பெற்றிருந்தால், இந்த ஆண்டு மார்ச் 31-ஆம் தேதி வரை மட்டுமே பயன்படும். அதன்பின் பயன்படுத்த முடியாது. அவ்வாறு சான்றிதழ் பெற்றிருப்பவர்கள் மீண்டும் ஏப்ரல் 1-ஆம் தேதிக்கு மேல் புதிதாக விண்ணப்பித்து ஓராண்டுக்கான சான்றிதழை பெற்றுக்கொள்ளலாம். அந்த சான்றிதழானது,  2020 -ஆம் ஆண்டு மார்ச் 31 வரை பயன்பாட்டில் இருக்கும் என அரசாணையில் குறிப்பிடப்பட்டுள்ளது.