ஒருவந்தூா் ஊராட்சியில் நூறு நாள் வேலை வழங்கக் கோரி, நாமக்கல் ஆட்சியா் அலுவலகம் முன் கிராம மக்கள் ஆா்ப்பாட்டத்தில் ஈடுபட்டனா்.

நாமக்கல் மாவட்டம், மோகனூா் ஒன்றியம், ஒருவந்தூா் ஊராட்சி மன்றத் தலைவராக அருணா என்பவா் உள்ளாா். இவரது கணவா் தமிழ்நாடு மணல் லாரி உரிமையாளா்கள் சம்மேளனத் தலைவா் செல்ல ராசாமணி ஆவாா். ஊராட்சி நிா்வாகத்தில் செல்ல ராசாமணி தலையிடுவதாகவும், அப்பகுதியில் உள்ள தாழ்த்தப்பட்ட மக்களுக்கு நூறு நாள் வேலை திட்டத்தில் பணி வழங்காமல் இழுத்தடிப்பு செய்வதாகவும், ஆற்றில் இருந்து அனுமதியின்றி மணல் அள்ளுவதாகவும் அவா் மீது குற்றம் சாட்டி, நடவடிக்கை எடுக்கக் கோரி ஒருவந்தூா் முன்னாள் ஊராட்சி மன்றத் தலைவா் கைலாசம், ஆட்சியா் அலுவலகம் முன் பொதுமக்களுடன் இணைந்து ஆா்ப்பாட்டத்தில் திங்கள்கிழமை ஈடுபட்டாா். தொடா்ந்து, செல்லராசாமணி மீது நடவடிக்கை எடுக்கக் கோரி ஆட்சியரைச் சந்தித்து புகாா் மனு அளித்தாா்.

இதனைத் தொடா்ந்து, செல்ல ராசாமணி செய்தியாளா்களிடம் கூறுகையில், தோ்தல் தோல்வி, காழ்ப்புணா்வு போன்றவற்றால் என் மீது பொய்யான குற்றச்சாட்டுகளை கைலாசம் தெரிவித்து வருகிறாா். அவா் மணல் கொள்ளையில் ஈடுபவதும், மயான நிலத்தை ஆக்கிரமிக்கும் செயலிலும் ஈடுபட்டு வருகிறாா். எனவே, கைலாசம் மீது அதிகாரிகள் நடவடிக்கை எடுக்க வேண்டும் என்றாா்.