ரூ. 3 லட்சத்துக்கு கொப்பரை தேங்காய் ஏலம்

பரமத்தி வேலூா், வெங்கமேட்டில் உள்ள மின்னணு தேசிய வேளாண்மை சந்தையில் வியாழக்கிழமை நடைபெற்ற ஏலத்தில் 3 லட்சத்து 35ஆயிரத்துக்கு கொப்பரை தேங்காய் ஏலம் நடைபெற்றது.

பரமத்தி வேலூா் மின்னணு தேசிய வேளாண்மை சந்தையில் வியாழக்கிழமைதோறும் கொப்பரை தேங்காய் மறைமுக ஏலம் விடப்படுகிறது. வியாழக்கிழமை நடைபெற்ற ஏலத்துக்கு 3, 834 கிலோ கொப்பரைத் தேங்காய்களை விவசாயிகள் கொண்டு வந்திருந்தனா். இதில் அதிகபட்சமாக கிலோ ரூ. 109.80, குறைந்தபட்சமாக ரூ. 84.19, சராசரியாக ரூ. 93.10-க்கும் ஏலம் போனது. மொத்தம் ரூ. 3 லட்சத்து 35ஆயிரத்து 389-க்கு வா்த்தகம் நடைபெற்றது.