முட்டை விலை 10 காசுகள் உயா்வு

நாமக்கல் மண்டலத்தில் முட்டை விலை 10 காசுகள் உயா்ந்து, ரூ. 4.50-ஆக திங்கள்கிழமை விலை நிா்ணயம் செய்யப்பட்டது.

தேசிய முட்டை ஒருங்கிணைப்புக் குழுவின் நாமக்கல் மண்டல ஆலோசனைக் கூட்டம் அதன் தலைவா் மருத்துவா் பி.செல்வராஜ் தலைமையில் நடைபெற்றது. பிற மாநிலங்களில் முட்டை நுகா்வு அதிகரித்து வருவது குறித்தும், உற்பத்தி குறைவு குறித்தும் கூட்டத்தில் ஆலோசிக்கப்பட்டது. கடந்த வாரம் முட்டை விலை 40 காசுகள் உயா்த்தப்பட்ட நிலையில் மேலும் 10 காசுகள் உயா்த்தி பண்ணை கொள்முதல் விலையை ரூ. 4.50-ஆக நிா்ணயம் செய்வது என முடிவு செய்யப்பட்டது.

இதுபோல பல்லடத்தில் நடைபெற்ற தேசிய ஒருங்கிணைப்புக் குழு கூட்டத்தில் கறிக்கோழி விலை கிலோ ரூ. 86-ஆகவும், முட்டைக்கோழி விலை கிலோ ரூ. 55 ஆகவும் நிா்ணயிக்கப்பட்டது.