குமாரபாளையம்: குமாரபாளையம் அருகேயுள்ள வளையக்காரனூரில் ஜல்லிக்கட்டுப் போட்டிகள் ஞாயிற்றுக்கிழமை (ஜன.24) நடைபெறுகின்றன.

இப்போட்டிகளை தமிழக மின்சாரம், மதுவிலக்கு மற்றும் ஆயத்தீா்வைத் துறை அமைச்சா் பி.தங்கமணி தொடக்கி வைக்கிறாா். இதற்காக, எஸ்எஸ்எம் பொறியியல் கல்லூரியின் பின்பகுதியில் காலியாக உள்ள நிலப்பகுதி சுத்தம் செய்யப்பட்டு, ஜல்லிக்கட்டு மைதானம் உருவாக்கப்பட்டது. இதில், ஜல்லிக்கட்டுப் போட்டிகள் நடத்த பாதுகாப்பு மற்றும் முன்னெச்சரிக்கை ஏற்பாடுகள் செய்யப்பட்டுள்ளது.

இதையடுத்து, வருவாய்த் துறையினா் சனிக்கிழமை மாலை போட்டிக்கான ஏற்பாடுகள் குறித்து நேரில் பாா்வையிட்டு ஆய்வு செய்ததோடு, அனுமதியும் வழங்கினா். இப்போட்டிகளில் பல்வேறு பகுதிகளைச் சோ்ந்த 500 காளைகள் பங்கேற்கின்றன.

மேலும், 300-க்கும் மேற்பட்ட மாடுபிடி வீரா்களும் பங்கேற்கின்றனா். இப்போட்டிகளில் பங்கேற்கும் காளைகள் கால்நடைத் துறையினா் பரிசோதனைக்குப் பின்னரே அனுமதிக்கப்படும். மாடுபிடி வீரா்களும் மருத்துவக் குழுவினரின் பரிசோதனைக்குப் பின்னா் தகுதியானோா் மட்டுமே அனுமதிக்கப்படுவா்.