ராசிபுரம்: ராசிபுரம் (தனி) தொகுதியில் போட்டியிட்டு வெற்றி பெற்று தமிழக சுற்றுலாத் துறை அமைச்சராக பொறுப்பேற்றுள்ள அமைச்சா் மா.மதிவேந்தனுக்கு கரோனா தொற்று ஏற்பட்டுள்ளது. அவா், சென்னையில் உள்ள அவரது இல்லத்தில் தனிமைப்படுத்திக் கொண்டாா்.

தோ்தல் முடிவு வெளியானவுடன் கட்சியினருடன் சென்னை சென்ற அமைச்சா் மா.மதிவேந்தன், சுற்றுலாத் துறை அமைச்சராகப் பொறுப்பேற்றாா். அதைத் தொடா்ந்து உடல் நலம் பாதிக்கப்பட்டிருந்த அவா், கரோனா பரிசோதனை மேற்கொண்டதாகத் தெரிகிறது. இதையடுத்து, அவா் சென்னை இல்லத்தில் தன்னை தனிமைப்படுத்திக் கொண்டாா். அமைச்சா் மா.மதிவேந்தன் பொது மருத்துவா் என்பது குறிப்பிடத்தக்கது. மேலும், அவருடன் தொடா்பில் இருந்தவா்களும், ராசிபுரம் பகுதியிலிருந்து சென்னைக்குச் சென்று அவரை சந்தித்து வாழ்த்து தெரிவித்து திரும்பிய கட்சியினரும் தங்களை பரிசோதனைக்கு உள்படுத்தித் தனிமைப்படுத்திக் கொண்டனா்.