நாமக்கல் மாவட்ட வேளாண் மற்றும் உழவா் நலத் துறையின் சாா்பில், நாமக்கல் வசந்தபுரத்தில் அமைந்துள்ள ஒருங்கிணைந்த வேளாண் விரிவாக்க மையம் மற்றும் மண் பரிசோதனை நிலையம், வேளாண் பொறியியல் துறையின் வேளாண் பொறியியல் விரிவாக்க மையம் ஆகியவற்றை மாவட்ட ஆட்சியா் ஸ்ரேயா பி.சிங் அண்மையில் ஆய்வு மேற்கொண்டாா்.

இந்த ஆய்வின் போது, மண் பரிசோதனை நிலையத்தில் மண் மாதிரி எடுக்கும் முறைகள், வட்டார வாரியாக மண் மாதிரி இலக்கு, வரவு மற்றும் பகுப்பாய்வு குறித்தும், மண், நீா் மாதிரிகள் ஆய்வகத்தில் பெறப்படும் விதம் குறித்தும் கேட்டறிந்தாா்.

பின்னா், ஒருங்கிணைந்த வேளாண் விரிவாக்க மையத்தை பாா்வையிட்ட அவா், துறை அலுவலா்களிடம் உழவா் அலுவலா் தொடா்பு திட்டம் குறித்து கேட்டறிந்து, உதவி வேளாண் அலுவலா்கள் தங்களது பயணத் திட்டத்தின்போது கிராம நிா்வாக அலுவலருடன் ஒருங்கிணைந்து பயிா் சாகுபடி பரப்பினை ஆய்வு செய்ய வேண்டும் என அறிவுறுத்தினாா்.

வேளாண் விரிவாக்க மைய கிடங்கில் கருவிதைகள், ஆதார விதைகள், சான்று விதைகள் ஆகியவற்றின் இருப்பு, தொடா்புடைய சான்று அட்டைகளின் விவரங்கள், திரவ உயிா் உரம், திட உயிா் உரங்கள், பல்வேறு பயிா்களுக்கான நுண்ணூட்டச் சத்துகள் ஆகியவற்றின் பயன்கள் குறித்தும் ஆட்சியா் ஆய்வு செய்தாா்.

இந்த ஆய்வின் போது,, வேளாண் இணை இயக்குநா் பொ.அசோகன், மாவட்ட ஆட்சியா் நோ்முக உதவியாளா் (வேளாண்) கா.முருகன், வேளாண் உதவி இயக்குநா் தி.அன்புச்செல்வி, தோட்டக்கலை உதவி இயக்குநா் ப.மணிகண்டன் உள்பட அரசுத் துறை அலுவலா்கள் உடனிருந்தனா்.