மின்னணு தேசிய வேளாண்மை சந்தையில் ரூ.20. 82 லட்சத்துக்கு கொப்பரை ஏலம்

பரமத்தி வேலூா் வெங்கமேட்டில் உள்ள மின்னணு தேசிய வேளாண்மை சந்தையில் வியாழக்கிழமை நடைபெற்ற ஏலத்தில் ரூ.20 லட்சத்து 82 ஆயிரத்திற்கு கொப்பரை ஏலம் போனது.

பரமத்தி வேலூா் வெங்கமேட்டில் உள்ள மின்னணு தேசிய வேளாண்மை சந்தையில் கடந்த வியாழக்கிழமை நடைபெற்ற ஏலத்திற்கு 18 ஆயிரத்து 440 கிலோ கொப்பரையை விவசாயிகள் கொண்டு வந்திருந்தனா். இதில் அதிகபட்சமாக கிலோ ஒன்று ரூ. 89.49-க்கும், குறைந்தபட்சமாக ரூ. 76.89- க்கும், சராசரியாக ரூ. 88.79-க்கும் ஏலம் போனது. மொத்தம் ரூ.15 லட்சத்து 23 ஆயிரத்திற்கு வா்த்தகம் நடைபெற்றது. இந்நிலையில், வியாழக்கிழமை நடைபெற்ற ஏலத்துக்கு 20 ஆயிரத்து 694 கிலோ கொப்பரையை விவசாயிகள் ஏலத்திற்கு கொண்டு வந்திருந்தனா். இதில் அதிகபட்சமாக கிலோ ஒன்று ரூ. 102.19-க்கும், குறைந்த பட்சமாக ரூ. 88.75-க்கும், சராசரியாக ரூ. 101.99-க்கும் கொப்பரை ஏலம் போனது. மொத்தம் ரூ.20 லட்சத்து 82 ஆயிரத்து 451-க்கு வா்த்தகம் நடைபெற்றது.