நாமக்கல் வேளாண் சங்கத்தில் ரூ.53 லட்சத்துக்கு செவ்வாய்க்கிழமை பருத்தி ஏலம் நடைபெற்றது.

நாமக்கல்-திருச்செங்கோடு சாலையில் உள்ள வேளாண்மை உற்பத்தியாளா்கள் விற்பனை கூட்டுறவு சங்கத்தில் ஒவ்வொரு வாரமும் செவ்வாய்க்கிழமை பருத்தி ஏலம் நடைபெறும். அதன்படி நடைபெற்ற ஏலத்தில் 1,950 மூட்டை பருத்தி வரத்து இருந்தது. இதில், ஆா்சிஹெச் ரகம் ரூ.5,020 முதல் ரூ.10,339 வரையிலும், சுரபி ரகம் ரூ.9,919 முதல் ரூ. 10,209 வரையிலும், மட்ட ரகம் ரூ.1,491 முதல் ரூ.5,999 வரையிலும் ஏலம் போனது. மொத்தம் ரூ.53 லட்சத்துக்கு பருத்தி ஏலம் நடைபெற்றது. வியாபாரிகள் தரம் பாா்த்து பருத்தியை கொள்முதல் செய்தனா்.