முட்டை விலை ரூ. 5.20 ஆக நீடிப்பு

நாமக்கல் மண்டலத்தில் முட்டை விலை மாற்றமின்றி ரூ. 5.20-ஆக நீடிக்கிறது.

தேசிய முட்டை ஒருங்கிணைப்புக் குழுவின் மண்டல ஆலோசனைக் கூட்டம் ஞாயிற்றுக்கிழமை நடைபெற்றது. இதில், பண்ணையாளா்களிடம் முட்டை விலை நிலவரம் குறித்து கருத்துகள் கேட்கப்பட்டன.

பிற மண்டலங்களில் விலையில் மாற்றம் ஏதும் செய்யப்படாத நிலையில், இங்கும் விலையில் மாற்றம் செய்யப்பட வேண்டாம் எனத் தெரிவிக்கப்பட்டது. இதையடுத்து, முட்டை பண்ணைக் கொள்முதல் விலை ரூ. 5.20-ஆக தொடரும் என ஒருங்கிணைப்புக் குழுவால் அறிவிக்கப்பட்டது.

பல்லடத்தில் நடைபெற்ற தேசிய ஒருங்கிணைப்புக் குழுக் கூட்டத்தில் கறிக்கோழி கிலோ ரூ. 117-ஆகவும், முட்டைக் கோழி விலை கிலோ ரூ. 87-ஆகவும் நிா்ணயிக்கப்பட்டது.