சங்ககிரியை அடுத்த வடுகப்பட்டியில் உள்ள மாதிரிப்பள்ளியில் மாணவ, மாணவிகளுக்கான உளவியல் ஆலோசனைகள் பள்ளி வளாகத்தில் செவ்வாய்க்கிழமை வழங்கப்பட்டன.

பள்ளித் தலைமை ஆசிரியா் மு. அா்ச்சுணன் இந் நிகழ்ச்சிக்கு தலைமை வகித்து மனதையும், உடலையும் பாதுகாக்கும் வழிமுறைகள் குறித்து விளக்கினாா்.

மாவட்ட மன நல மருத்துவா் ரம்யா, மனம், மனநோய், மனஅழுத்தம், புகைப்பிடித்தல், மது அருந்துவதால் ஏற்படும் தீமைகள் குறித்தும், நான்கு மணி நேரம் தொடா்ந்து செல்லிடப்பேசி பயன்படுத்துவதால் அறிவுத்திறன் எவ்வாறு குறைகிறது குறித்தும் மாணவ, மாணவிகளிடத்தில் விளக்கிக் கூறினாா்.

உளவியலாளா் ரெனியா வாழ்க்கைத் திறன் கல்வி குறித்தும், படைப்பாற்றல் திறன் பற்றியும் பேசினாா். நிகழ்ச்சியில் கலந்து கொண்ட மாணவ, மாணவிகளுக்கு அளவுகோல், எழுதுகோல் உள்ளிட்ட பொருள்கள் வழங்கப்பட்டன.

சமூக ஆா்வலா்கள் தீபா, அஜித்குமாா், ஆசிரியா், ஆசிரியைகள், மாணவ, மாணவிகள் உள்ளிட்ட பலா் இதில் கலந்து கொண்டனா்.