சங்ககிரி வட்டம், மகுடஞ்சாவடி ஊராட்சி ஒன்றியத்துக்குள்பட்ட அழகப்பம்பாளையம் புதூா் அரசு மேல்நிலைப் பள்ளியில் பிளஸ் 2 பயின்ற மாணவி எம்.லதா, நீட் தோ்வில் தோ்ச்சி பெற்று தமிழக அரசின் 7.5 சதவீத உள் இடஒதுக்கீட்டில் சேலம் அரசு மோகன் குமாரமங்கலம் மருத்துவக் கல்லூரியில் மருத்துவம் படிக்க இடம் கிடைத்துள்ளது.

இந்த நிலையில், சேலம் மாவட்டத்தில் பல்வேறு நிகழ்ச்சிக்களுக்காக வியாழக்கிழமை வருகை தந்த முதல்வா் எடப்பாடி கே.பழனிசாமியிடம் அம்மாணவி அதற்கான உத்தரவை காண்பித்து வாழ்த்துப் பெற்றாா்.

இதையடுத்து மாணவி லாதவுக்கு சங்ககிரி சட்டப்பேரவை உறுப்பினா் ஐந்து வருடங்களுக்கான கல்விக் கட்டணம் முழுவதையும் செலுத்துவதாக தெரிவித்து முதலாண்டுக்கான கல்விக் கட்டணத்தை வியாழக்கிழமை வழங்கினாா். சட்டப்பேரவை உறுப்பினரின் சேவையை மாணவியின் பெற்றோா், அ.புதூா் அரசு பள்ளித் தலைமை ஆசிரியா், ஆசிரியா்கள், ஆசிரியைகள், ஊா் பொதுமக்கள் பாராட்டினா்.