சங்ககிரி ராஜபாலி குளத்தில் கருவேலம் மரங்கள், களா் செடிகள் அகற்றம்

சங்ககிரி பேரூராட்சிக்குள்பட்ட ராஜாபாவி என்கிற ராஜபாலி குளத்தில் மழை நீரைச் சேமிக்கும் வகையில் சங்ககிரி பப்ளிக் சேரிட்டபுள் டிரஸ்ட் உள்பட பல்வேறு பொது நல அமைப்புகளின் சாா்பில் கருவேலம் மரங்கள், களா் செடிகள் அகற்றும் பணி 3-ஆவது வாரமாக ஞாயிற்றுக்கிழமை நடைபெற்றது.

சங்ககிரியில் ராஜாபாலி குளம் 41,060 சதுரடி பரப்பளவு கொண்டது. இக் குளத்ளைச் சுற்றிலும் உள்ள சுற்றுச்சுவா்கள் சிதலமடைந்து, கருவேலம் மரங்கள், களா் செடிகளும் வளா்ந்து வருகின்றன. தற்போது பெய்து வரும் மழை நீரைச் சேமிக்கும் வகையில் சங்ககிரி பப்ளிக் சேரிட்டபுள் டிரஸ்ட், சங்ககிரி அரிமா சங்கம், கோட்டை அரிமா சங்கம், வெப்படை கரம் கோா்ப்போம், சங்ககிரி ஜி.ஆா்.கேஸ் நிறுவன ஊழியா்கள் உள்ளிட்ட பல்வேறு அமைப்புகள் ஒன்றிணைந்து குளத்தில் கருவேலம் மரங்கள், களா்செடிகளை அகற்றும் பணிகளில் ஈடுபட்டனா்.

இதில் டிரஸ்ட் தலைவா் எ.ஆனந்தகுமாா், செயலா் ஆா்.ராகவன், பொருளாளா் கணேஷ், பொறியாளா் வேல்முருகன், பேரூராட்சி முன்னாள் உறுப்பினா்கள் பன்னீா்செல்வம், கதிா்வேல், அரிமாக சங்க நிா்வாகிகள் காா்த்தி, அருள், அண்ணாதுரை, கோட்டை அரிமா சங்க நிா்வாகிகள் வழக்குரைஞா் என்ஆா்கே.மாணிக்க சுந்தா், ரமேஷ், கரம் கோா்ப்போம் அமைப்பின் நிறுவனா் மோகன் தலைமையிலான குழுவினா், ஜி.ஆா்.கேஸ் நிறுவன ஊழியா்கள் உள்ளிட்ட பலா் கலந்து கொண்டனா்.

பழைமை வாய்ந்த இந்தக் குளத்தில் கருவேலம் மரங்கள், களா்செடிகள் அகற்றும் பணியில் ஈடுபட்ட பொது நல அமைப்புகளின் தன்னாா்வலா்களை பொதுமக்கள் பாராட்டினா்.