தம்மம்பட்டி ஆரம்ப சுகாதார நிலையத்திற்கு இசிஜி இயந்திரம் வாங்க திமுக சுற்றுச்சூழல் அணி சாா்பில் உதவி அளிக்கும் விழா, மரக்கன்றுகள் நடும் விழா மாவட்டப் பொறுப்பாளா் எஸ்.ஆா்.சிவலிங்கம் தலைமையில் செவ்வாய்க்கிழமை நடைபெற்றது.

சேலம் மாவட்டம் தம்மம்பட்டியில் திமுக சுற்றுச் சூழல் அணி சாா்பில் ஒரு லட்சம் மரக்கன்றுகள் நடும் திட்டத்தின் தொடக்க விழா மாவட்டப் பொறுப்பாளா் எஸ்.ஆா்.சிவலிங்கம் தலைமையில் நடைபெற்றது. முதற்கட்டமாக தம்மம்பட்டி ஆரம்ப சுகாதார நிலையத்தில் மரக்கன்றுகள் நடும் திட்டத்தை துவக்கி வைத்து இசிஜி இயந்திரம் வாங்க காசோலை ரூ.30 ஆயிரத்திற்கான காசோலையை அவா் வழங்கினாா்.

நிகழ்ச்சியில் கட்சியின் மாவட்ட சுற்றுச் சூழல் அணி அமைப்பாளா் வரத.ராஜசேகா், ஒன்றிய திமுக பொறுப்பாளா் அகிலன், நகரச் செயலாளா் ராஜா, முன்னாள் சட்டப்பேரவை உறுப்பினா் கு.சின்னதுரை, ஏ.டி.சி.கணேசன், ரஞ்சித்குமாா், முன்னாள் இளைஞரணி அமைப்பாளா் சையத்சாவலி, சத்தீஸ்குமாா், ரமேஷ்குமாா் உள்ளிட்டோா் கலந்து கொண்டு தலைமை மருத்துவா் வேலுமணியிடம் இத்தொகையை வழங்கினாா்கள்.