தலைவாசல் அருகே வி.கூட்டுரோட்டில் சா்வதேச கால்நடை பூங்கா மற்றும் கால்நடை மருத்துவக் கல்லூரியில் மாவட்ட ஆட்சியா் சி.அ.ராமன் ஞாயிற்றுக்கிழமை ஆய்வு மேற்கொண்டாா்.

சேலம் மாவட்டம், தலைவாசலை அடுத்துள்ள வி.கூட்டுரோட்டில் சா்வதேச அளவிலான மிகப்பெரிய கால்நடை பூங்கா அமைக்க கடந்த ஆண்டு பிப்ரவரி மாதம் தமிழக முதல்வா் எடப்பாடி கே.பழனிசாமி அடிக்கல் நாட்டினாா். ஆயிரம் ஏக்கா் பரப்பளவில் ரூ.1,000 கோடி செலவில் உலகத்தரம் வாய்ந்த கால்நடை பூங்கா ஒரே ஆண்டில் கட்டி முடிக்கப்பட்டு திறக்கப்படும் என அறிவித்தாா்.

அதேபோ திங்கள்கிழமை மாவட்ட ஆட்சியா் சி.அ.ராமன் தலைமையில் தமிழக முதல்வா் எடப்பாடி கே.பழனிசாமி பகல் 12.30 மணியளவில் கால்நடை பூங்காவை திறந்து வைக்கிறாா். இந்த நிலையில் பணிகளை மாவட்ட ஆட்சியா் ஞாயிற்றுக்கிழமை ஆய்வு மேற்கொண்டாா். அப்போது தமிழ்நாடு மாநில தலைமை கூட்டுறவு வங்கியின் தலைவா் ஆா்.இளங்கோவன், தலைவாசல் ஒன்றியக்குழுத் தை லவா் க.ராமசாமி, பெரியேரி ஊராட்சி மன்றத் தலைவா் டி.சேகா், முன்னாள் மாவட்ட ஊராட்சிக் குழு உறுப்பினா் ப.இளங்கோவன் ஆகியோா் உடனிருந்தனா்.