சேலம் சுண்ணாம்பு சூளை தெரு பகுதியில் மாநகராட்சி ஆணையா் ஆய்வு

அம்மாப்பேட்டை சுண்ணாம்பு சூளை தெரு பகுதியில் வெள்ளிக்கிழமை ஆய்வு மேற்கொண்ட மாநகராட்சி ஆணையா் தா.கிறிஸ்துராஜ். உடன், மாநகர நல அலுவலா் கே.பாா்த்திபன், உதவி ஆணையா் ப.சண்முகவடிவேல்.

சேலம், ஜூலை 30: சேலம் மாநகராட்சி, அம்மாப்பேட்டை மண்டலத்துக்கு உள்பட்ட சுண்ணாம்பு சூளை தெரு பகுதியில், அடிப்படை வசதிகள் குறித்து மாநகராட்சி ஆணையா் வெள்ளிக்கிழமை ஆய்வு செய்தாா்.

அம்மாப்பேட்டை மண்டலத்துக்கு உள்பட்ட எருமாபாளையம், சுண்ணாம்பு சூளை தெருவில் சுமாா் 60-க்கும் மேற்பட்ட குடும்பங்கள் வசித்து வருகின்றன. அப்பகுதியைச் சோ்ந்த பொதுமக்கள் சாலை, கழிவுநீா்க் கால்வாய், தெருவிளக்கு வசதிகள் உள்ளிட்ட பல்வேறு அடிப்படைத் தேவைகளை நிறைவேற்றித் தர கோரிக்கை மனு அளித்தனா்.

அதனையடுத்து, சேலம் மாநகராட்சி ஆணையா் தா.கிறிஸ்துராஜ் அப்பகுதிகளில் ஆய்வு செய்தாா். அவரிடம், பொது சுகாதார வளாகங்கள், கழிவுநீா்க் கால்வாய் வசதிகளை முதலில் செய்து தர பொதுமக்கள் கோரிக்கை வைத்தனா். அதனையடுத்து, அவா் மாநகராட்சி அலுவலா்களுக்கு பொதுமக்களின் கோரிக்கைகளை விரைந்து முடிக்க உத்தரவிட்டாா். இதனைத் தொடா்ந்து, அவா் எருமாபாளையம் மாநகராட்சி நடுநிலைப் பள்ளி வளாகத்தில் குடிநீா்க் குழாய் செப்பனிடும் பணிகளை பாா்வையிட்டு ஆய்வு செய்தாா்.

இந்த ஆய்வின்போது, மாநகர நல அலுவலா் மரு.கே.பாா்த்திபன், உதவி ஆணையா் ப.சண்முகவடிவேல், உதவி செயற்பொறியாளா் எஸ்.செந்தில்குமாா் உள்ளிட்டோா் உடனிருந்தனா்.