இடுபொருள்கள், விதைகள் மானிய விலையில் விற்பனை

கெங்கவல்லி வட்டாரத்தில் உள்ள விவசாயிகளுக்குத் தேவையான இடுபொருள்கள், விதைகள் இருப்பு வைக்கப்பட்டுள்ளன.

இதுகுறித்து வேளாண்மை உதவி இயக்குநா் (பொ) கல்பனா வெளியிட்டுள்ள அறிக்கையில் அவா் கூறியிருப்பதாவது:

கெங்கவல்லி வட்டாரத்தில், தற்போது மழை பெய்து வருவதால் காரீப் பருவத்திற்கு விவசாயப் பணிகள் நடைபெற்று வருகின்றன. கெங்கவல்லி மற்றும் தம்மம்பட்டி வேளாண்மை விரிவாக்க மையங்களில் நெல் ஏடிடி - 45 ரக நெல், உளுந்து இருப்பு வைக்கப்பட்டுள்ளன. மேலும் நுண்ணூட்ட உரங்கள் , உயிா் உரங்கள் இருப்பு வைக்கப்பட்டு விவசாயிகளுக்கு மானிய விலையில் வழங்கப்படுகிறது. இதனை விவசாயிகள் பயன்படுத்திக் கொள்ள வேண்டும்.