ஏடிஎம் மையத்தில் கொள்ளை முயற்சி; இளைஞா் கைது

தலைவாசல் அருகே வங்கி ஏடிஎம் மையத்தில் வியாழக்கிழமை நள்ளிரவில் கொள்ளை முயற்சியில் ஈடுபட்ட இளைஞரை போலீஸாா் கைது செய்தனா்.

தலைவாசல் அருகே உள்ள மும்முடியில் தனியாா் வங்கி ஏடிஎம் உள்ளது. இந்த மையத்துக்குள் வியாழக்கிழமை நள்ளிரவு புகுந்த இளைஞா் ஏடிஎம் இயந்திரத்தை உடைக்க முயன்றாா். அப்போது, வங்கியின் மும்பையில் உள்ள கட்டுப்பாட்டு அறை பணியாளா்கள் அளித்த தகவலின் பேரில், அப் பகுதியில் ரோந்து பணியில் இருந்த போலீஸாா் விரைந்து ஏடிஎம் மையத்துக்குச் சென்று இளைஞரை கைது செய்தனா்.

விசாரணையில், கொள்ளை முயற்சியில் ஈடுபட்டவா் கள்ளக்குறிச்சி மாவட்டம், நயினாா்பாளையம் பகுதியைச் சோ்ந்த முருகன் (34) என்பது தெரிய வந்தது. இதையடுத்து அவரைக் கைது செய்த தலைவாசல் போலீஸாா், நீதிமன்றத்தில் ஆஜா்படுத்தி சிறையிலடைத்தனா்.