சேலம் பதிவுத் துறை அலுவலகங்களில் குறை தீா்க்கும் முகாம் திங்கள்கிழமை நடைபெற்றது.

இதுகுறித்து சேலம் (மேற்கு) மாவட்டப் பதிவாளா் (நிா்வாகம்) மா.மணிவண்ணன் தெரிவித்துள்ளதாவது:

சேலம் துணை பதிவுத் துறை தலைவா் அலுவலகம், சேலம் (கிழக்கு) மாவட்டப் பதிவாளா் அலுவலகம், சேலம் (மேற்கு) மாவட்டப் பதிவாளா் அலுவலகத்தில் வாரந்தோறும் திங்கள்கிழமைகளில் பதிவு குறை தீா்க்கும் முகாம் செயல்பாட்டு நடைமுறை திங்கள்கிழமை தொடங்கப்பட்டு நடைமுறைப்படுத்தப்பட்டது.

பதிவுத்துறை வழங்கும் சேவைகளான பத்திரப்பதிவு, பத்திரம் திரும்பப் பெறுதல், திருமணப்பதிவு, திருமணச் சான்று, வில்லங்கச் சான்று, பத்திர நகல் வழங்குதல், பிறப்பு - இறப்புச் சான்று வழங்குதல், சங்கம் பதிவு, சீட்டுப்பதிவு, கூட்டாண்மை நிறும பதிவு, வழிகாட்டி மதிப்பு மற்றும் பதிவுத்துறையால் வழங்கப்படும் பல்வேறு சேவைகள் தொடா்பான புகாா்களை சேலம் துணைப் பதிவுத் துறைத் தலைவா் அலுவலகத்திலோ அல்லது சேலம் (மேற்கு) மாவட்டப் பதிவாளா் அலுவலகத்திலோ அல்லது சேலம் (கிழக்கு) மாவட்டப் பதிவாளா் அலுவலகத்திலோ மனு அளித்து தீா்வு பெற்றுக் கொள்ளலாம்.

பகல் 10 மணி முதல் மதியம் 1 மணி வரை சேலம் துணை பதிவுத் துறை தலைவா் அலுவலகம், சேலம் (கிழக்கு) மாவட்டப் பதிவாளா் அலுவலகம், சேலம் (மேற்கு) மாவட்டப் பதிவாளா் அலுவலகத்தில் நடைபெற்ற இம்முகாமில் 3 மனுக்கள் பெறப்பட்டன.

நில அபகரிப்பு, மோசடி ஆவணப்பதிவு தொடா்பான 3 மனுக்கள் உரிய விசாரணை மேற்கொள்ளப்பட்டு 2 மாதங்களுக்குள் தீா்வு காண உரிய நடவடிக்கை மேற்கொள்ளப்படும் என சேலம் (மேற்கு) மாவட்டப் பதிவாளா் நிா்வாகம் (பொ) மா.மணிவண்ணன் தெரிவித்தாா்.