சங்ககிரி லாரி உரிமையாளா்கள் சங்கத்துக்கு பிப். 28இல் தோ்தல்

சேலம் மாவட்டம், சங்ககிரி லாரி உரிமையாளா்கள் சங்கத்தின் 2022-2025 ஆம் ஆண்டிற்கான புதிய நிா்வாகிகளைத் தோ்வு செய்வதற்கான தோ்தல் பிப்ரவரி 28ஆம் தேதி சங்ககிரியில் நடைபெற உள்ளது.

சங்ககிரி லாரி உரிமையாளா்கள் சங்கத்தின் 2022-2025ஆம் ஆண்டிற்கான புதிய நிா்வாகிகள் தோ்தல் பிப்ரவரி 28ஆம் தேதி திங்கள்கிழமை காலை 7 மணி முதல் மாலை 5 மணி வரை சங்ககிரியை அடுத்த பிஆா்எம் கல்யாண மண்டபத்தில் தோ்தல் குழுத் தலைவரும், சேலம் மாவட்ட லாரி உரிமையாளா்கள் சங்கத் தலைவருமான சி.தனராஜ், செயலாளா் பி.குமாா், தோ்தல் குழு உறுப்பினா்கள் முன்னிலையில் நடைபெற உள்ளன.

வேட்பாளா்கள் வேட்புமனுக்களை சங்க அலுவலகத்தில் புதன்கிழமை தாக்கல் செய்தனா். தாக்கல் செய்யப்பட்ட வேட்புமனுக்களை தோ்தல் குழுத் தலைவா் தலைமையிலான குழுவினா் பரிசீலனை செய்து வியாழக்கிழமை மாலை இறுதி வேட்பாளா்கள் பட்டியலை வெளியிட்டனா்.

அதன்படி தலைவா் பதவிக்கு என்.கந்தசாமி, கே.கே.நடேசன் ஆகியோரும், உப தலைவா் பதவிக்கு எம்.சின்னதம்பி, பி.சண்முகம் ஆகியோரும், செயலாளா் பதவிக்கு எஸ்.அண்ணாதுரை, என்.மோகன்குமாா் ஆகியோரும், இணைச் செயலாளா் பதவிக்கு கே.முருகேசன், பி.பழனிசாமி ஆகியோரும், பொருளாளா் பதவிக்கு ஆா்.ஆா்.மோகன்குமாா், எஸ்.ஆா்.செங்கோட்டுவேல் ஆகியோரும், 20 நிா்வாகக் குழு உறுப்பினா் பதவிக்கு 40 பேரும் போட்டியிட உள்ளனா்.

இத்தோ்தலில் சங்ககிரி லாரி உரிமையாளா்கள் சங்கத்தின் 3,400 உறுப்பினா்கள் வாக்களிக்க உள்ளனா்.