சேலம் ஆட்சியா் அலுவலகத்தில் சுயேச்சை வேட்பாளா் தா்னா

சேலம் ஆட்சியா் அலுவலகம் முன்பு சுயேச்சை வேட்பாளா் வாக்காளா்களுக்கு பணம் பட்டுவாடா செய்ததை தட்டி கேட்டதால், தாக்குதல் நடத்திய கும்பல் மீது நடவடிக்கை எடுக்க கோரி தா்னா போராட்டத்தில் ஈடுபட்டாா்.

சேலம், ஜாகீா் காமநாயக்கன்பட்டியைச் சோ்ந்தவா் கதிா்வேல். இவா் பாரத மக்கள் கட்சி மாநிலத் தலைவராக உள்ளாா். சேலம் மாநகராட்சி 1 ஆவது வாா்டில் சுயேச்சையாக கதிா்வேல் போட்டியிடுகிறாா்.

இந்தநிலையில், மாநகராட்சி 1 ஆவது வாா்டில் சிலா் வாக்காளா்களுக்கு வாக்களிக்க பணம் கொடுப்பதாக தகவல் வந்ததை அடுத்து, கதிா்வேல் இச்சம்பவத்தை கைப்பேசியில் விடியோ எடுத்துள்ளாா்.

கைப்பேசியில் படம் எடுத்ததால் சுயேச்சை வேட்பாளா் கதிா்வேல் தன்னை சில வாலிபா்கள் சூழ்ந்து தாக்கியதாகக் கூறி சூரமங்கலம் போலீஸில் புகாா் அளித்தாா். இதுகுறித்து போலீஸாா் விசாரித்து வருகின்றனா்.

இந்நிலையில் சுயேச்சை வேட்பாளா் கதிா்வேல் அவரது மனைவி, குழந்தைகள் உள்பட குடும்பத்தினருடன் ஆட்சியா் அலுவலகத்துக்கு வெள்ளிக்கிழமை வந்தாா். ஆட்சியா் அலுவலக நுழைவு வாயில் முன்பு கதிா்வேல் குடும்பத்தினருடன் தா்னா போராட்டத்தில் ஈடுபட்டாா்.

வாக்காளா்களுக்கு பணம் கொடுத்ததை தட்டி கேட்டு கைப்பேசியில் படம் பிடித்த தன்னை தாக்கியவா்கள் மீது நடவடிக்கை எடுக்க வேண்டும் என்று போராட்டம் நடத்தினாா்.

இதையடுத்து, பாதுகாப்புப் பணியில் இருந்த போலீஸாா் போராட்டத்தில் ஈடுபட்ட சுயேச்சை வேட்பாளா் கதிா்வேலை காவல் நிலையத்துக்கு அழைத்து சென்று விசாரணை நடத்தினா். பின்னா் கதிா்வேல் சேலம் அரசு மருத்துவமனையில் சிகிச்சைக்கு அனுமதிக்கப்பட்டாா். இதுகுறித்து போலீஸாா் விசாரணை நடத்தி வருகின்றனா்.