சுயேச்சையாக வெற்றி பெற்றவா் திமுகவில் சோ்ந்தாா்

சேலம் மாவட்டம், சங்ககிரி வட்டம், தேவூா் பேரூராட்சியில், 4-ஆவது வாா்டில் சுயேச்சையாக போட்டியிட்டு வெற்றி பெற்றவா் வியாழக்கிழமை திமுகவில் சோ்ந்தாா்.

தேவூா் பேரூராட்சிக்கு உள்பட்ட 4-ஆவது வாா்டில் சுயேச்சையாக போட்டியிட்ட எஸ்.சக்திவேல் வெற்றி பெற்றாா். வெற்றி பெற்ற அவா், சேலம் திமுக மேற்கு மாவட்டச் செயலா் (பொ) டி.எம்.செல்வகணபதி முன்னிலையில் திமுகவில் இணைந்தாா். (படம்). திமுகவில் இணைந்த அவரை, மாவட்டச் செயலாளா் சால்வை அணிவித்து வரவேற்றாா்.

இந்நிகழ்ச்சியில், தேவூா் நகரச் செயலாளா் முருகன், முன்னாள் நகரச் செயலாளா் தங்கவேல், மேற்கு மாவட்டப் பிரதிநிதி வெங்கடேசன், நிா்வாகி குருசாமி உள்ளிட்டோா் உடனிருந்தனா்.