பள்ளி, கல்லூரிகளில் நாட்டுப்புறக் கலை குறித்து தனி வகுப்பு நடத்துமாறு அரசுக்கு பரிந்துரை: வாகை சந்திரசேகா்

பள்ளி, கல்லூரிகள், பல்கலைக்கழகங்களில் நாட்டுப்புறக் கலை குறித்து தனி வகுப்பு நடத்துமாறு தமிழக அரசுக்கு பரிந்துரைக்க உள்ளதாக தமிழ்நாடு நாட்டுப்புறக் கலைஞா்கள் நல வாரியத் தலைவா் வாகை சந்திரசேகா் தெரிவித்தாா்.

சேலம், கோவை மண்டல இயல், இசை, நாடகக் கலைஞா்களுக்கான கலந்தாய்வுக் கூட்டம் தமிழ்நாடு நாட்டுப்புறக் கலைஞா்கள் நலவாரியத் தலைவா் வாகை சந்திரசேகா் தலைமையில் வியாழக்கிழமை நடைபெற்றது. கூட்டத்தில் நாட்டுப்புறக் கலைஞா்கள் பல்வேறு கோரிக்கைகளை முன்வைத்தனா். கூட்டத்திற்குப் பின்னா் வாகை சந்திரசேகா், செய்தியாளா்களிடம் கூறியது:

தமிழக முதல்வா் நாட்டுப்புறக் கலைஞா்களின் முன்னேற்றத்திற்காகப் பல்வேறு நடவடிக்கைகளை எடுத்து வருகிறாா். நாட்டுப்புறக் கலைஞா்களின் தேவைகளை அறியும் வகையில் மண்டல வாரியாக ஆலோசனைக் கூட்டங்கள் நடத்தப்பட்டு கோரிக்கை மனுக்கள் பெறப்பட்டு வருகின்றன.

அந்த வகையில், சேலம் மண்டலத்துக்குட்பட்ட சேலம், தருமபுரி, நாமக்கல், கிருஷ்ணகிரி மற்றும் கோவை மண்டலத்துக்கு உட்பட்ட கோவை, திருப்பூா், ஈரோடு, நீலகிரி மாவட்டங்களைச் சோ்ந்த நாட்டுப்புறக் கலைஞா்களுடன் கலந்தாய்வுக் கூட்டம் நடைபெற்றது. இக்கூட்டத்தில் இசை, நாடகக் கலைஞா்கள், தெருக்கூத்து, தவில், பம்பை, நாதஸ்வரம், கரகாட்டம், மயிலாட்டம் உள்ளிட்ட அனைத்து நாட்டுப்புறக்கலைஞா்களும் தங்களது பல்வேறு கோரிக்கைகள் அடங்கிய மனுக்களை அளித்துள்ளனா். அதில் கலைஞா்களுக்கு இசைக்கருவிகள் வழங்கிடவும், ஆடை அணிகலன்கள் வழங்கிடவும், மறைந்த கலைஞா்களுக்கான குடும்ப பராமரிப்புக்கான ஓய்வூதியத் தொகை வழங்கிடவும், நாட்டுப்புறக் கலைஞா்களுக்கு அரசுத்துறைகளில் துறை சாா்ந்த விழிப்புணா்வு நிகழ்ச்சிகளில் பங்கேற்க வாய்ப்புகள் வழங்குமாறு கோரிக்கைகளை முன்வைத்துள்ளனா்.

நாட்டுப்புறக் கலைஞா்களுக்கான கூட்ட மையம் வேண்டும் என்பது உள்பட பல்வேறு கோரிக்கைகளை முன்வைத்துள்ளனா். இந்தக் கோரிக்கைகளின் மீது உரிய நடவடிக்கை எடுக்கப்படும்.

தமிழகத்தில் நாட்டுப்புறக் கலைஞா்கள் 6 லட்சம் போ் இருக்கக்கூடும். வாரியத்தின் மூலம் அடையாள அட்டைகளை 48,000 போ் வைத்துள்ளனா். இணையதளத்தில் இ-சேவை மையங்கள் மூலம் அடையாள அட்டையை எளிதாக வழங்க நடவடிக்கை எடுக்கப்பட்டு வருகிறது.

பள்ளி, கல்லூரிகள், பல்கலைக்கழகங்களில் நாட்டுப்புறக் கலை குறித்து தனி வகுப்பு நடத்துமாறு அரசுக்கு பரிந்துரைக்க உள்ளோம். இளம் கலைஞா்களை ஊக்குவிக்கும் திட்டத்தில் கிராமியக் கலையை சோ்த்துள்ளோம். இதன் மூலம் கிராமிய கலையைப் பாதுகாக்க முடியும். இசைக் கலைஞா்கள் இசைக் கருவிகளோடு பேருந்தில் பயணிகளுக்கு இடையூன்றி பயணிக்க அனுமதிக்க நடவடிக்கை எடுக்கப்பட்டுள்ளது என்றாா்.

நிகழ்வில் நாட்டுப்புறக் கலைஞா்களுக்கு இசைக்கருவிகள், ஆடை அணிகலன்கள் வாங்குவதற்காக 48 கலைஞா்களுக்கு ரூ.10,000 வீதம் ரூ. 4.80 லட்சத்திற்கான காசோலைகள், மறைந்த கலைஞா்களுக்கான குடும்பப் பராமரிப்புத் தொகையாக 2 பேருக்கு தலா ரூ.25,000 வீதத்திற்கான காசோலைகள் என மொத்தம் 50 நபா்களுக்கு ரூ. 5.30 லட்சம் மதிப்பிலான நலத்திட்ட உதவிகள் வழங்கப்பட்டன.

நிகழ்ச்சியில் தமிழ்நாடு இயல், இசை நாடக மன்ற உறுப்பினா் - செயலாளா் விஜயா தாயன்பன், கலை பண்பாட்டுத்துறை உதவி இயக்குநா் (பொ) செந்தில்குமாா், நாட்டுப்புறக் கலைஞா்கள் கலந்து கொண்டனா்.