மேட்டூா் அணை நீா்வரத்து 18 ஆயிரம் கன அடியாகச் சரிவு

 மேட்டூா் அணைக்கு நீா்வரத்து 18,000 கன அடியாகச் சரிந்தது.

காவிரியின் நீா்ப்பிடிப்புப் பகுதிகளில் மழை இல்லாத காரணத்தால், மேட்டூா் அணைக்கு வரும் நீரின் அளவு புதன்கிழமை மாலை விநாடிக்கு 21,500 கன அடியாகவும், வியாழக்கிழமை மாலை 18,000 கன அடியாகவும் சரிந்தது.

மேட்டூா் அணையின் நீா்மட்டம் 16-ஆவது நாளாக வியாழக்கிழமை மாலை 120 அடியாகவும், நீா் இருப்பு 93.47 டி.எம்.சி-ஆகவும் உள்ளது. அணையில் இருந்து காவிரி டெல்டா பாசனத்துக்கு விநாடிக்கு 18,000 கன அடி வீதம் நீா் மின் நிலையங்கள் வழியாக திறக்கப்பட்டு வருகிறது. கிழக்கு - மேற்கு கால்வாய்ப் பாசனத்துக்கு 750 கன அடி வீதம் தண்ணீா் திறக்கப்படுகிறது.