மேட்டூர் அணை நிலவரம்

மேட்டூர் அணையின் நீர்வரத்து வினாடிக்கு 2009 கனஅடியாக குறைந்துள்ளது. 

காவிரியின் நீர்ப்பிடிப்பு பகுதிகளில் மழை இல்லாத காரணத்தாலும் கர்நாடக அணைகளில் இருந்து தமிழகத்திற்கு தண்ணீர் திறக்கப்படாத காரணத்தாலும் மேட்டூர் அணைக்கு வரும் நீர்வரத்து படிப்படியாக குறைந்து வந்தது.

நேற்று காலை வினாடிக்கு 3017 கனஅடி வீதம் வந்து கொண்டிருந்த நீர்வரத்து இன்று காலை வினாடிக்கு 2009 கனஅடியாக குறைந்தது. அணைக்கு வரும் நீரின் அளவு குறைந்ததால் நேற்று காலை 115.45 அடியாக இருந்த மேட்டூர் அணையின் நீர்மட்டம் இன்று காலை 114.84 அடியாக குறைந்தது.

அணையிலிருந்து காவிரி டெல்டா பாசனத்திற்கு வினாடிக்கு 12,000 கனஅடி வீதமும் கிழக்கு மேற்கு கால்வாய் பாசனத்திற்கு வினாடிக்கு 400 கனஅடி வீதமும் தண்ணீர் திறக்கப்பட்டு வருகிறது. அணையின் நீர் இருப்பு 85.47 டி.எம்.சியாக இருந்தது.