சேலம் மாவட்டத்தில் கூடுதல் விலைக்கு மது விற்பனை செய்த டாஸ்மாக் ஊழியா்கள் 60 பேருக்கு ரூ. 1 லட்சம் அபராதம் விதித்து அதிகாரிகள் நடவடிக்கை எடுத்துள்ளனா்.

சேலம் மாவட்டத்தில் 220-க்கும் மேற்பட்ட டாஸ்மாக் மதுக்கடைகள் உள்ளன. இந்தக் கடைகளில் கூடுதல் விலைக்கு மதுபானங்கள் விற்கப்படுகிா எனவும், அனுமதி பெறாமல் டாஸ்மாக் பாா்கள் செயல்படுகிா எனவும் ஆய்வு செய்து நடவடிக்கை எடுக்க டாஸ்மாக் அதிகாரிகளுக்கு மாவட்ட ஆட்சியா் செ. காா்மேகம் உத்தரவிட்டிருந்தாா்.

அதன்பேரில் டாஸ்மாக் சேலம் முதுநிலை மண்டல மேலாளா் நா்மதா தேவி, மாவட்ட மேலாளா் குப்புசாமி ஆகியோா் தலைமையில் கொண்ட குழுவினா் மாவட்டம் முழுவதும் உள்ள 50-க்கும் மேற்பட்ட டாஸ்மாக் கடைகளில் கடந்த சில நாள்களாக ஆய்வு செய்தனா்.

அப்போது, அவா்கள் நிா்ணயம் செய்யப்பட்ட விலையை விட கூடுதல் விலைக்கு மதுபானங்கள் விற்பனை செய்யப்படுகிா என்று டாஸ்மாக் கடைகளில் மதுபானங்களை வாங்கி சென்றவா்களிடம் கேட்டறிந்தனா். அதற்கு ஒரு குவாா்ட்டருக்கு ரூ. 5 முதல் ரூ. 10 வரை கூடுதல் விலைக்கு மதுபானங்கள் விற்பனை செய்யப்படுவதாகப் புகாா் தெரிவித்தனா். மேலும், பெரும்பாலான கடைகளில் கூடுதல் விலைக்கு மது விற்பனை செய்தது கண்டறியப்பட்டது.

இதையடுத்து, டாஸ்மாக் கடைகளில் கூடுதல் விலைக்கு மதுபானங்களை விற்பனை செய்ததாக 60 ஊழியா்களுக்கு மொத்தம் ரூ.

1 லட்சம் அபராதம் விதித்து நடவடிக்கை எடுக்கப்பட்டுள்ளதாக அதிகாரிகள் தெரிவித்தனா்.

அதேசமயம், அனைத்து டாஸ்மாக் கடைகளிலும் புதிய விலைப்பட்டியலை மதுபானம் வாங்குபவா்களுக்குத் தெரியும் வகையில் வைக்க வேண்டும் எனவும், வெளி நபா்களைக் கடைகளில் பணியில் வைத்து டாஸ்மாக் நிறுவனத்திற்கு அவப்பெயா் ஏற்படுத்தக்கூடாது என்று டாஸ்மாக் ஊழியா்களுக்கு அதிகாரிகள் அறிவுரை வழங்கினா்.

இதுகுறித்து டாஸ்மாக் அதிகாரிகள் கூறுகையில், சேலம் மாவட்டத்தில் உள்ள டாஸ்மாக் கடைகளில் ஆய்வு செய்யப்பட்டு, கூடுதல் விலைக்கு மதுபானங்கள் விற்பனை செய்த 60 ஊழியா்கள் மீது நடவடிக்கை எடுக்கப்பட்டுள்ளது. அதாவது மதுபாட்டிலுக்கு ரூ.5 கூடுதல் வசூலித்தால் ரூ. 5,650 அபராதமும், ரூ. 10 வசூலித்தால் ரூ.11,550 அபராமும் விதிக்கப்படும். அதன்படி 50-க்கும் மேற்பட்ட கடைகளில் ஆய்வு செய்து 60 ஊழியா்களுக்கு மொத்தம் ரூ. 1 லட்சம் வரை அபராதம் விதிக்கப்பட்டுள்ளது. அதேபோல அனுமதி பெறாமல் செயல்பட்டு வந்த பாா்கள் மூடி சீல் வைக்கப்பட்டுள்ளது. டாஸ்மாக் கடைகள் அனுமதித்த நேரத்தில் நண்பகல் 12 மணி முதல் இரவு 10 வரை மட்டுமே செயல்பட வேண்டும். சந்துக் கடைகளுக்கு மதுபானங்களை விற்பனை செய்ய அனுமதித்தால் கடும் நடவடிக்கை எடுக்கப்படும் என்றனா்.