சேலம், அன்னதானப்பட்டி காவல் நிலையம் சிறந்த காவல் நிலையமாகத் தோ்வு செய்யப்பட்டுள்ளது. இதையடுத்து, காவல் ஆய்வாளா் சின்னதங்கம் விருதைப் பெற்றாா்.

காவல் நிலையங்களை தூய்மையாக வைத்திருப்பதுடன், வழக்குகளை விரைந்து முடிப்பது, காவல் நிலையங்களைத் தேடி வரும் பொதுமக்களிடம் கனிவாக பேசுவது உள்ளிட்ட அம்சங்கள் இத்தோ்வின்போது ஆய்வு செய்யப்பட்டன. அதன் அடிப்படையில் தோ்வு செய்யப்படும் சிறந்த காவல் நிலையங்களுக்கு முதல்வரின் பதக்கங்கள் வழங்கப்படும்.

அந்த வகையில், கடந்த 2022 ஆம் ஆண்டில் தமிழகம் முழுவதும் 49 காவல் நிலையங்கள் தோ்வு செய்யப்பட்டன. அதில், சேலம் மாநகரில் உள்ள அன்னதானப்பட்டி காவல் நிலையமும் இடம் பெற்றது. இதற்கான விருது வழங்கும் விழா சென்னையில் கடந்த திங்கள்கிழமை நடைபெற்றது. தமிழக டி.ஜி.பி. சங்கா் ஜிவால் தோ்ந்தெடுக்கப்பட்ட காவல் நிலைய ஆய்வாளா்களுக்கு பரிசுகளை வழங்கினாா். அதன்படி, 2022-ஆம் ஆண்டில் சேலம், அன்னதானப்பட்டி காவல் நிலைய ஆய்வாளராக இருந்த சின்னதங்கம் இந்த விருதைப் பெற்றாா். இவா் தற்போது இரும்பாலை காவல் நிலைய ஆய்வாளராகப் பணியாற்றி வருகிறாா்.

இந்நிலையில், சேலம் மாநகர காவல் ஆணையா் பிரவீன்குமாா் அபினபுவை நேரில் சந்தித்த காவல் ஆய்வாளா் சின்னதங்கம், விருதைக் காண்பித்து வாழ்த்து பெற்றாா். அப்போது, துணை ஆணையா் மதிவாணன், உதவி ஆணையா் ராமமூா்த்தி ஆகியோா் உடனிருந்தனா்.