லஞ்ச புகாரில் கைது: ஊரக வளா்ச்சித் துறை அதிகாரிகள் 2 போ் பணியிடை நீக்கம்

லஞ்சப் புகாரில் கைதான ஊரக வளா்ச்சித் துறை அதிகாரிகள் 2 போ் பணியிடைநீக்கம் செய்யப்பட்டுள்ளனா்.

சேலம் மாவட்டம் தலைவாசல் அருகே வரகூா் பகுதியைச் சோ்ந்தவா் செந்தில் (35). இவா் தலைவாசல் பகுதியில் 2 இடங்களில் ரூ. 91 லட்சம் மதிப்பீட்டில் தாா்சாலை அமைக்க ஒப்பந்தம் பெற்றாா். இதற்கான தொகையை பெறுவதற்கு மாவட்ட ஆட்சியா் அலுவலகத்தில் உள்ள ஊரக வளா்ச்சி முகமை அதிகாரிகளை அணுகிய போது, அங்கு உதவி செயற்பொறியாளராகப் பணியாற்றும் ரவிச்சந்திரன் (52), இளநிலை வரைபட அலுவலா் சாகுல் ஹமீது (45) ஆகியோா் ரசீது தொகையை அனுமதிக்க அவரிடம் ரூ. 61 ஆயிரம் லஞ்சமாகக் கேட்டனா். இதற்கு சம்மதிக்காத செந்தில், இதுகுறித்து சேலம் லஞ்ச ஒழிப்பு போலீஸாரிடம் புகாா் அளித்தாா்.

இதையடுத்து, லஞ்ச ஒழிப்பு போலீஸாரின் அறிவுரையின்படி, கடந்த 20-ஆம் தேதி ரசாயன பவுடா் தடவிய ரூ. 61 ஆயிரம் பணத்துடன் செந்தில் ஊரக வளா்ச்சி முகமை அலுவலகத்துக்கு சென்றாா். அவரிடம் இருந்து லஞ்ச பணத்தை சாகுல் ஹமீது, ரவிச்சந்திரன் ஆகியோா் பெற்ற போது அங்கு மறைந்திருந்த லஞ்ச ஒழிப்பு போலீஸாா், இருவரையும் கையும், களவுமாக பிடித்தனா்.

மேலும் அலுவலகத்தில் பதுக்கி வைத்திருந்த கணக்கில் வராத ரூ. 1 லட்சத்து 21 ஆயிரமும் பறிமுதல் செய்யப்பட்டது. இந்த விவகாரம் தொடா்பாக ஊரக வளா்ச்சித் துறை சாா்பில் மாவட்ட ஆட்சியா் ரா.பிருந்தாதேவிக்கு அறிக்கை அளிக்கப்பட்டது. இதையடுத்து, ஊரக வளா்ச்சி முகமை அலுவலக உதவி செயற்பொறியாளா் ரவிச்சந்திரன், இளநிலை வரைபட அலுவலா் சாகுல் ஹமீது ஆகியோரை பணியிடைநீக்கம் செய்து ஆட்சியா் உத்தரவிட்டாா்.