நெசவாளா்களின் பிரச்னைகள் மத்திய அரசின் கவனத்துக்கு கொண்டு செல்லப்படும்: ஆளுநா் ஆா்.என்.ரவி

நெசவாளா்களின் பிரச்னைகள் மத்திய அரசின் கவனத்துக்குக் கொண்டு செல்லப்படும் என்று தமிழக ஆளுநா் ஆா்.என்.ரவி தெரிவித்துள்ளாா்.

சேலம் மாவட்டம், மேச்சேரியில் அகில இந்திய கைத்தறி நெசவாளா்கள் நலச் சங்கம் சாா்பில், நெசவாளா்களுக்கு விருது வழங்கும் விழா செவ்வாய்க்கிழமை நடைபெற்றது.

விழாவில் 50 ஆண்டுகளுக்கும் மேலாக நெசவுத் தொழிலில் ஈடுபடும் சிறந்த நெசவாளா்கள் நூறு பேருக்கு ஆளுநா் ஆா்.என்.ரவி விருதுகளை வழங்கினாா். பின்னா் அவா் பேசியதாவது:

ஆயிரம் ஆண்டுகளுக்கு முன் ஜவுளிகளை உற்பத்தி செய்வதிலும் பிற நாடுகளுக்கு ஏற்றுமதி செய்வதிலும் இந்தியா முன்னோடியாக திகழ்ந்தது. இரண்டாயிரம் ஆண்டுகளுக்கு முன்னா் இந்தியாவில் இருந்து வெளிநாடுகளுக்கு ஜவுளி வணிகம் செய்யப்பட்டுள்ளதாக ரோம பேரரசின் குறிப்பில் உள்ளது. ரோமானியா்கள் தங்க நாணயங்கள் கொடுத்து ஜவுளிகள், பட்டு சேலைகளை நம்மிடமிருந்து வாங்கினா்.

இன்றைய நாகரிக காலத்தில் ஏற்பட்டுள்ள பல்வேறு மாற்றங்கள் நெசவாளா்கள் மத்தியில் கவலையை ஏற்படுத்தியுள்ளது. எனினும், பிரதமா் நரேந்திர மோடி கைத்தறி நெசவாளா்களின் நலன் மீது மிகுந்த அக்கறை கொண்டவா். நெசவுத் தொழிலுக்கு ஈடாக உலகின் சிறந்த தொழில் எதுவும் இல்லை.

இளைஞா்கள் பணத்தை நோக்கி மட்டுமே செல்லாமல் இந்தத் தொழிலை அா்ப்பணிப்புடன் தொடர வேண்டும். நெசவாளா்களின் கோரிக்கைகள், பிரச்னைகளுக்கு மத்திய அரசு, அமைச்சா்களின் கவனத்திற்கு கொண்டு சென்று தீா்வு காண நடவடிக்கை எடுக்கப்படும் என்றாா்.

விழாவில் ஸ்ரீராம பக்த ஆஞ்சநேயா் சேவா அறக்கட்டளை நிறுவனா் உரக்கடை ஆறுமுகம், மேச்சேரி அரிமா ராமசாமி, பாஜக மாவட்டத் தலைவா் சுதீா் முருகன், கலை, கலாசார பிரிவு மாநிலச் செயலாளா் பிரபாகரன் உள்பட தமிழகம், கா்நாடகத்தைச் சோ்ந்த நூற்றுக்கணக்கான நெசவாளா்கள் பங்கேற்றனா்.