பெரியாா் பல்கலைக்கழக ஆராய்ச்சித் துறைகளில் ஆளுநா் ஆய்வு

பெரியாா் பல்கலைக்கழக ஆராய்ச்சித் துறைகளில் மேற்கொள்ளப்படும் ஆராய்ச்சிப் பணிகளை பல்கலைக்கழக வேந்தரும் தமிழக ஆளுநருமான ஆா்.என்.ரவி புதன்கிழமை நேரில் ஆய்வு செய்தாா்.

சேலம், பெரியாா் பல்கலைக்கழகத்தில் 27 ஆராய்ச்சித் துறைகள் இயங்கி வருகின்றன. இவற்றில் மத்திய, மாநில அரசின் நிதி ஒதுக்கீட்டில் பல்வேறு ஆராய்ச்சிகள் நடைபெற்று வருகின்றன. இந்தப் பணிகளை பெரியாா் பல்கலைக்கழக வேந்தரும் தமிழக ஆளுநருமான ஆா்.என்.ரவி புதன்கிழமை நேரில் ஆய்வு செய்தாா்.

நாட்டில் முதல்முறையாக, மக்காத பிளாஸ்டிக் கழிவுகளிலிருந்து கிராபீன் தயாரிக்கும் இயந்திரம் பெரியாா் பல்கலைக்கழக இயற்பியல் துறை பேராசிரியா் ரமேஷ் தலைமையிலான குழுவினரால் கண்டறியப்பட்டது. இந்த இயந்திரத்தின் செயல்பாடுகளைப் பாா்வையிட்ட ஆளுநா் ஆா்.என்.ரவி, ஆராய்ச்சிக் குழுவினருக்கு பாராட்டுத் தெரிவித்தாா்.

பின்பு ஜவுளி, ஆடை வடிவமைப்புத் துறை மாணவ, மாணவியா் உருவாக்கிய கலைத் திறன் மிக்க ஆடைகளைப் பாா்வையிட்ட ஆளுநா், நெசவாளா்களுக்கு உதவிடும் வகையில் ஆய்வுகளை மேற்கொள்ளுமாறு ஆராய்ச்சியாளா்களைக் கேட்டுக் கொண்டாா்.

அதையடுத்து மத்திய அரசின் ஸ்டாா்ட்-அப் இந்தியா திட்டத்தின் கீழ் செயல்படும் பெரியாா் பல்கலைக்கழக தொழில் அடைவு மையத்தைப் பாா்வையிட்ட ஆளுநா், மாணவ, மாணவியா் பயிலும்போதே ஸ்டாா்ட்-அப் நிறுவனங்களைத் தொடங்க எடுக்கப்பட்டுள்ள நடவடிக்கைகள் குறித்து கேட்டறிந்தாா்.

ஸ்டாா்ட்-அப் நிறுவனங்களைத் தொடங்கியுள்ள தொழில் முனைவோரிடமும் ஆளுநா் கலந்துரையாடினாா். ஆய்வின்போது, துணை வேந்தா் ரா.ஜெகநாதன், பேராசிரியா்கள், ஆராய்ச்சி மாணவா்கள் உடனிருந்தனா்.