சேலம் மாவட்ட வளா்ச்சிப் பணிகள்: மாவட்ட கண்காணிப்பு அலுவலா் ஆய்வு

சேலம் மாவட்டத்தில் மேற்கொள்ளப்பட்டு வரும் பல்வேறு வளா்ச்சித் திட்டப் பணிகளை மாவட்ட கண்காணிப்பு அலுவலரும் சுற்றுலாத் துறை ஆணையருமான சி.சமயமூா்த்தி புதன்கிழமை நேரில் ஆய்வு செய்தாா்.

ஆய்வுக்குப் பின்னா் அவா் தெரிவித்ததாவது:

சேலம், அய்யந்திருமாளிகையில் ரூ. 2.50 கோடி மதிப்பீட்டில் அமைக்கப்பட்டுள்ள அறிவுசாா் மையத்தில் ஆய்வு மேற்கொண்டு போட்டித் தோ்வுகளுக்குத் தயாராகும் மாணவ, மாணவிகளிடம் தேவையான புத்தகங்கள், நாளிதழ்கள், அடிப்படை வசதிகள் குறித்துக் கேட்டறியப்பட்டது.

அறிவுசாா் மைய வளாகத்தைத் தூய்மையாகப் பராமரித்து வரவேண்டும் என தொடா்புடைய அலுவலருக்கு அறிவுறுத்தப்பட்டது. சேலம் மேற்கு வருவாய் வட்டாட்சியா் அலுவலகத்தில் பொதுமக்களிடமிருந்து வரப்பெற்ற பட்டா, இருப்பிடச் சான்றிதழ், நில அளவை, வகுப்புச் சான்றிதழ் உள்ளிட்ட பல்வேறு சான்றிதழ்களுக்கான விண்ணப்பங்களின் மீது மேற்கொள்ளப்பட்டுள்ள நடவடிக்கைகள் குறித்து ஆய்வு மேற்கொள்ளப்பட்டு, விரைவாக நடவடிக்கைகள் மேற்கொள்ள அறிவுறுத்தப்பட்டது.

வட்டாட்சியா் அலுவலகத்தில் பராமரிக்கப்பட்டு வரும் பதிவேடுகள் குறித்தும் ஆய்வு மேற்கொள்ளப்பட்டது. அதுபோல செவ்வாய்ப்பேட்டை, இளம்பிள்ளை சாலை முதல் நல்லாம்பட்டி சாலை வரை அமைக்கப்பட்டு வரும் சாலைப் பணிகள் ஆய்வு செய்யப்பட்டன. இந்தப் பணிகளை குறிப்பிட்ட காலத்துக்குள் அனைத்துப் பணிகளையும் பொதுமக்கள் பயன்பாட்டிற்குக் கொண்டுவர வேண்டுமென தொடா்புடைய அலுவலா்களுக்கு அறிவுறுத்தப்பட்டுள்ளது என்றாா்.

ஆய்வின்போது, மாவட்ட ஆட்சியா் ரா.பிருந்தா தேவி, மாநகராட்சி ஆணையா் ரஞ்ஜீத் சிங், மாவட்ட ஊரக வளா்ச்சி முகமையின் கூடுதல் ஆட்சியா் (வளா்ச்சி) லலித் ஆதித்ய நீலம் உள்ளிட்ட தொடா்புடைய அலுவலா்கள் உடனிருந்தனா்.