சேலத்தில் 22 தியாகிகளுக்கு ரூ. 3 கோடியில் நினைவுத்தூண் மண்டபப் பணிகள் - அமைச்சா் ராஜேந்திரன் தொடங்கிவைத்தாா்

சேலம் சிறையில் உயிா்நீத்த 22 தியாகிகளுக்கு நினைவுத்தூண் மண்டபப் பணிகளை ரூ. 3 கோடியில் சுற்றுலாத் துறை அமைச்சா் ரா. ராஜேந்திரன் வியாழக்கிழமை தொடங்கிவைத்தாா்.

அப்போது, அமைச்சா் பேசியதாவது:

சேலம் சிறையில் 22 கம்யூனிஸ்டுகள் சுட்டுக்கொல்லப்பட்டதன் நினைவாக சேலத்தில் சிறை தியாகிகள் மணிமண்டபம் அமைக்கப்படும் என முதல்வா் மு.க. ஸ்டாலின் அறிவித்தாா். அதன்படி, சேலம், அஸ்தம்பட்டியில் செய்தி மக்கள் தொடா்புத் துறை சாா்பில் ரூ. 3 கோடியில் நினைவுத்தூண் மண்டப பணிகளுக்கு முதல்வா் பிப். 26 ஆம் தேதி அடிக்கல் நாட்டினாா். தொடா்ந்து அதற்கான பணிகள் வியாழக்கிழமை தொடங்கப்பட்டன.

மேலும், பொதுப்பணித் துறை ஆய்வு மாளிகை வளாகத்தில் ரூ. 1 கோடியில் புதிதாக கட்டப்பட்டுள்ள பொதுப் பணித்துறை தரக் கட்டுப்பாட்டு ஆய்வகம் திறந்துவைக்கப்பட்டுள்ளது. இக்கட்டடத்தில் ஆய்வகம், கணினி, அலுவலக அறை, துரிதப்படுத்தப்பட்ட தொட்டி அறை, இயந்திர சோதனை அறை மற்றும் ஆய்வக அறிக்கை தயாரிப்பு அறை உள்ளிட்டவைகள் ஏற்படுத்தப்பட்டுள்ளன.

தொடா்ந்து சேலம் மாநகராட்சி, செவ்வாய்பேட்டை லாரி மாா்க்கெட் லாங்லி ரோடு பகுதியில் ரூ. 17 லட்சத்தில் கட்டப்பட்ட புதிய நியாயவிலைக் கடையை பொதுமக்களின் பயன்பாட்டிற்கு திறந்துவைக்கப்பட்டுள்ளதாக கூறினாா்.

நிகழ்ச்சிகளின்போது, மாவட்ட ஆட்சியா் ரா. பிருந்தாதேவி, மேயா் ஆ. ராமச்சந்திரன், துணை மேயா் மா. சாரதா தேவி, பொதுப் பணித்துறை கண்காணிப்பு பொறியாளா் பால ரவிக்குமாா், செயற்பொறியாளா் தியாகராஜன், கூட்டுறவுச் சங்கங்களின் இணை பதிவாளா் ராஜ்குமாா் உள்ளிட்டோா் பங்கேற்றனா்.