அரசுப் பள்ளி ஆசிரியை வீட்டில் நகை திருட்டு

மதுரை: அலங்காநல்லூா் அருகே அரசுப் பள்ளி ஆசிரியை வீட்டில் 22 பவுன் நகைகளை திருடிச் சென்ற நபா்களை போலீஸாா் தேடி வருகின்றனா்.

அலங்காநல்லூா் அருகே உள்ள வாகைக்குளம் பூதகுடியைச் சோ்ந்த சக்திவேல் பாண்டியன் மனைவி சுப்புரத்தினம் (54). இவா் சின்ன ஊா்சேரியில் உள்ள அரசு ஆரம்பப் பள்ளியில் ஆசிரியையாகப் பணிபுரிந்து வருகிறாா்.

இந்த நிலையில், திங்கள்கிழமை காலை சுப்புரத்தினம், இவரது கணவா் சக்திவேல் பாண்டியன் இருவரும் வீட்டைப் பூட்டிவிட்டு பணிகளுக்குச் சென்றுவிட்டனா். மாலையில் வீடு திரும்பியபோது வீட்டின் பூட்டு உடைக்கப்பட்டு, பீரோவில் இருந்த 22 பவுன் நகைகளை அடையாளம் தெரியாத நபா்கள் திருடிச் சென்றது தெரியவந்தது.

இதேபோல, அதே பகுதியைச் சோ்ந்த பாண்டியராஜன் (34) வீட்டின் பூட்டை உடைத்தும் ஒரு பவுன் நகையை அடையாளம் தெரியாத நபா்கள் திருடிச் சென்றதும் தெரியவந்தது.

இதுகுறித்து அலங்காநல்லூா் போலீஸாா் வழக்குப் பதிவு செய்து திருட்டில் ஈடுபட்ட நபா்களைத் தேடி வருகின்றனா்.