அமெரிக்காவின் ஐ.எம்.ஏ.ஐ. ஆராய்ச்சி, மேம்பாட்டு நிறுவனத்துடன் மதுரை அமெரிக்கன் கல்லூரியின் புரிந்துணா்வு ஒப்பந்தம் அண்மையில் நடைபெற்றது.

இதில் அமெரிக்கன் கல்லூரி முதல்வரும், செயலருமான ஜே.பால்ஜெயகா், ஐ.எம்.ஏ.ஐ. ஆராய்ச்சி, மேம்பாட்டு நிறுவனத் தலைவரும், நிறுவனருமான கிருஷ்ணகுமாா் ஆகியோா் கையொப்பமிட்டனா்.

இந்த ஒப்பந்தம் மூலம் கல்லூரியில் அறிவியல் ஆய்வுத் திறன்களை உயா்த்துவதோடு, சா்வதேசத் தொடா்பு, கல்விப் பரிமாற்றத்துக்கான புதிய வழிகள் உருவாக்கப்படும். மாணவா்கள் அதிநவீன சா்வதேச ஆய்வுத் திட்டங்களை அணுகுவதோடு, அவா்களின் செயல்முறைத் திறன்களை மேம்படுத்துவதற்கும், பல்துறைச் சாா்ந்த பணிகளுக்கு அவா்களைத் தயாா்படுத்துவதற்கும், பல மேம்பாட்டுத் திட்டங்களை ஏற்படுத்துவதன் மூலம் மாணவா்கள் பயனடைவா்.

இந்த ஒப்பந்தமானது மாணவா்கள் உலகளாவிய ஆராய்ச்சிக் கட்டமைப்புகளில் பங்கேற்கவும், பங்களிக்கவும் வழிவகுக்கும்.

ஆசிரியா்களுக்கு, இந்த ஒப்பந்தம் மூலம் தொழில்முறை முன்னேற்றம், அறிவைப் பகிா்வதற்கான ஏராளமான வாய்ப்புகளை வழங்குகிறது.

இதில் அமெரிக்கன் கல்லூரி முதல்வா் ஜே.பால்ஜெயகா் பேசியதாவது:

இந்த ஒப்பந்தம் மாற்றத்தை ஏற்படுத்தும். மாணவா்கள், ஆசிரியா்களுக்கு சா்வதேசத் தொடா்பை வழங்குவதோடு, புதுமையான பல்துறை சாா்ந்த பணிகளுக்கு வழிவகுக்கும் என்றாா் அவா்.

இதைத் தொடா்ந்து, அமெரிக்க ஆராய்ச்சி, மேம்பாட்டு நிறுவனா் கிருஷ்ணகுமாா் பேசியதாவது:

அறிவியல் கூட்டுறவை வலுப்படுத்துதல், புதுமையைப் பேணுதல், உலகளாவிய ஆய்வுக் கட்டமைப்புகளுக்குப் பங்களித்தல் ஆகியவற்றில் தங்கள் அமைப்பு அா்ப்பணிப்புடன் செயல்படுகிறது என்றாா் அவா்.