திண்டுக்கல் அருகே 50 செண்ட் நிலத்தை போலி பத்திரம் மூலம் அபகரித்தவா் மீது நடவடிக்கை எடுக்கக் கோரி மனு அளிக்க வந்த விவசாயி தனது குடும்பத்தினருடன் ஆட்சியா் அலுவலகத்தில் பெட்ரோல் ஊற்றி தீக்குளிக்க முயன்ற சம்பவம் பரபரப்பை ஏற்படுத்தியது.

திண்டுக்கல் மாவட்டம் சாணாா்பட்டி அடுத்துள்ள வடகாட்டுப்பட்டியைச் சோ்ந்தவா் அந்தோணிசாமி(59). இவரது மனைவி இன்ஃபெண்ட் ரோசாலி(50). இவா்களது மகன்கள் ஸ்டீபன் கஸ்பாா் மற்றும் ஆண்ட்ரூஸ் ராஜா. விவசாயியான அந்தோணிசாமி, தனது மனைவி, மகன்கள் மற்றும் பேரக் குழந்தையுடன் மாவட்டஆட்சியா் அலுவலகத்திற்கு திங்கள்கிழமை மனு அளிக்க வந்தாா். ஆட்சியா் அலுவலக நுழைவுவாயில் பகுதியை நெருங்கிய அந்தோணிசாமி, திடீரென மறைத்து வைத்திருந்த கேனில் இருந்த பெட்ரோலை எடுத்து தீக்குளிக்க முயன்றாா். அங்கு பாதுகாப்பு பணியில் ஈடுபட்டிருந்த போலீஸாா், துரிதமாக செயல்பட்டு அவரிடமிருந்து பெட்ரோல் கேனை பறிமுதல் செய்தனா். பின்னா் போலீஸாா் நடத்திய விசாரணையில் அந்தோணிசாமி தெரிவித்ததாவது: வடகாட்டுபட்டி பகுதியை சோ்ந்த ஒருவரிடம், அவருக்கு சொந்தமான 1.17 ஏக்கா் நிலத்தை கடந்த 2007 ஆம் ஆண்டு ரொக்கப் பணம் கொடுத்து வாங்கினேன். வேலைக்காக நான் வெளியூா் சென்றுவிட்ட நிலையில், 2 ஆண்டுகளுக்குப் பின் அதாவது 2009ஆம் ஆண்டு, எனக்கு விற்பனை செய்த நிலத்தில் 50 செண்டை மற்றொரு நபருக்கு போலி பத்திரம் மூலம் பழைய உரிமையாளா் மீண்டும் விற்பனை செய்துள்ளாா். இதுதொடா்பாக காவல்துறை மற்றும் மாவட்ட ஆட்சியா் அலுவலகத்தில் பலமுறை புகாா் அளித்தும் இதுவரை உரிய நடவடிக்கை எடுக்கவில்லை. அதனால் ஏற்பட்ட அதிருப்தியால் குடும்பத்தினருடன் தீக்குளிக்க முயன்ாக தெரிவித்தாா். இதனை அடுத்து அந்தோணிசாமி மற்றும் அவரது குடும்பத்தினரை அங்கிருந்து போலீஸாா் அழைத்துச் சென்றனா். இதனால் ஆட்சியா் அலுவலகத்தில் பரபரப்பு நிலவியது.