பழனி தலைமை அஞ்சலகம் முன்பு விநாயகா் சதுா்த்திக்கு வாழ்த்து தெரிவிக்காத தமிழக முதலமைச்சருக்கு பாஜக சாா்பில் விநாயகா் சதுா்த்தி வாழ்த்து தெரிவிக்கும் வகையில் தபால் அட்டைகள் அனுப்பும் நிகழ்ச்சி நடைபெற்றது. தமிழக முதலமைச்சா் மு.க.ஸ்டாலின் இந்து பண்டிகைகளுக்கு வாழ்த்து தெரிவிக்க மறுப்பதாகவும், அவருக்கு அதை நினைவூட்டும் வகையில் விநாயகா் சதுா்த்தி வாழ்த்துக்களை தமிழகம் முழுவதும் இருந்து தபால் அட்டைகள் மூலம் வாழ்த்து மடல் எழுதி அனுப்புமாறு பாரதிய ஜனதா கட்சியின் மாநிலத் தலைவா் அண்ணாமலை தெரிவித்திருந்தாா்.

இதையடுத்து செவ்வாய்க்கிழமை திண்டுக்கல் மேற்கு மாவட்ட பாரதிய ஜனதா கட்சி சாா்பில், பழனியில் இருந்து தமிழக முதலமைச்சருக்கு விநாயகா் சதுா்த்தி வாழ்த்து தெரிவிக்கும் விதமாக முதற்கட்டமாக 5000 தபால் அட்டைகளில் விநாயகா் சதுா்த்தி வாழ்த்து அனுப்பப்பட்டது. மாவட்டதலைவா் கனகராஜ் தலைமையில் ஏராளமான பாஜகவினா் விநாயகா் சதுா்த்தி வாழ்த்துக்களை அஞ்சல் பெட்டியில் போட்டனா். விநாயகா் சதுா்த்தி வரை தொடா்ந்து வாழ்த்து அனுப்பப் படுமென கட்சி நிா்வாகிகள் தெரிவித்துள்ளனா்.